Venir au Luxembourg ...

Nína Berglind fær sér jarðarberjasultu ofan á spælt egg

2008-12-07T19:18:00.003+01:00

Mamma setti líka alltaf sykur ofan á rúgbrauð með smjöri og Stymmi bróðir sinnep ofan á allt, kjötbollur, frans(k)brauð og ekki nóg með það Egils djús nánast óblandaðann til að skola því niður og Stefnir bróðir setti tómatsósu ofan á allt mögulegt. Einu sinni kom ég að Selmu systur þar sem hún var búin að smyrja kokteilsósu ofan á heila Borgarnespizzu svo ég gæti örugglega ekki fengið neitt ;) Sigtryggur vill borða lakkrís með poppinu.....

Er að reyna að muna eitthvað sem ég geri annað en að ofnota það sem mér finnst gott eins og ost og sýrðan rjóma... einhverjar hugmyndir?

Jolaskemmtun i Strassen

2008-12-07T18:05:00.000+01:00

Rock and roll

2008-12-03T19:17:00.000+01:00

Saeta stelpan a afmaeli i dag

2008-12-02T22:54:00.000+01:00

Hjalmar ad aefa sig a gitarinn

2008-12-01T18:23:00.000+01:00

Birta afmaelisstelpa

2008-11-29T14:09:00.000+01:00

Nina og Hjalmar i husinu sinu undir stiganum

2008-11-27T19:38:00.000+01:00

Amma med stelpunum uti ad borda

2008-11-25T19:30:00.000+01:00

Nina snjobolta stelpa

2008-11-22T20:35:00.000+01:00

Gaman ad fa loksins snjo

2008-11-22T09:54:00.000+01:00

HlaupaHjálmar

2008-11-20T13:09:00.003+01:00

Já það verður ekki af honum tekið þegar hann segist vera íþróttaálfurinn litli guttinn. Hann er íþróttaálfurinn. Vill bara hlaupa allt sem hann fer. Þegar búið er að leggja bílnum og losa beltið spyr hann "Má ég hlaupa" og svo hleypur hann heim að dyrum. Um daginn þurfti ég aldeilis að taka á honum stóra mínum og spretta á eftir honum því hann stakk af og var hlaupinn hálfa leiðina heim til Silju frænku sinnar. Ekki er gaman að fara með honum að kaupa í matinn eða aðrar verslanir því hann stingur bara af, hleypur um alla búðina svo hann heldur mér í þjálfun og þolinmæðin "þjálfast" í leiðinni.

Hann vill ekki vera í fötum nema boxer nærbuxum, því þær eru hlaupanærbuxur, og hlýrabol, svo fer hann í hlaupaskónna sína og alls ekki peysu eða húfu nema það sé hægt að koma honum í skilning um að það sé hlaupapeysa eða hlaupahúfa. Hann á einmitt eitt stykki hlaupapeysu sem er orðin alltof lítil á hann en það er það eina sem virkar. Ég bíð eftir að barnaverndaryfirvöld komi og eigi við mig orð þegar hann er úti hlaupandi svona fáklæddur hér í hverfinu. Ég keypti inniskó á hann um daginn og það er búið að sannfæra hann um að þetta séu hlaupainniskór svo nú er hann alsæll með skónna og hleypur um allt hér inni á þeim.

Það væri gaman að mæla vegalengdina sem hann hleypur á degi hverjum, það myndi örugglega sóma góðum ofurhlaupara.

Fraenkur med tofrabrogd

2008-11-17T19:24:00.000+01:00

Hjalmar hja gilinu

2008-11-16T22:16:00.000+01:00

Hjalmar skipstjori

2008-11-16T16:49:00.000+01:00

Diskósveifla eða niðursveifla

2008-11-06T12:21:00.003+01:00

Nú er mér bara óglatt. Hvenær sér fyrir endann á þessum leiðinlegu og neikvæðu fréttum? Hvenær getum við farið að hætta að hafa áhyggjur af því að börnin okkar fá ekki að borða hugsanlega í nálægri framtíð? Getum við haldið gleðileg jól? Hvar verðum við um jólin? Hvenær kemur sú sældartíð að maður geti tekið ákvarðanir varðandi framtíðina? Það er ekkert bara frá Íslandi sem slæmu fréttirnar berast svo það er ekki endilega betra ástandið annars staðar ef einhver er að hugsa um landflótta. Vá hvað ég er orðin neikvæð... ekki í mínu eðli en svona aðstæður eru bara til að brjóta mann niður. Í öllu ástandi eru sveiflur svo nú tek ég út mína niðursveiflu og bíð spennt eftir uppsveiflunni. Kannski kemur hún um helgina, margt skemmtilegt framundan, partý, matarboð, skautaferð, afslöppun, útivera, samvera og það mætti telja áfram.

En mikið svakalega sef ég samt vel þessa dagana... ég bara átta mig ekki á þessu...

Góða helgi allir saman

Nýjar myndir

2008-11-04T20:39:00.002+01:00

Það eru komnar nýjar myndir á Flickr fyrir ágúst, september og október. Smella á myndina fyrir neðan Photos hægra megin á síðunni til að skoða.

Doðaleysingar

2008-10-30T18:47:00.003+01:00

Doðinn að renna af manni. Skyldi þó ekki vera. Er allavega búin að vera dugleg í dag, baka, elda, spjalla, svara tölvupóstum og alls konar stuð. Er líka búin að kaupa flestar jólagjafirnar og senda þær með fyrstu Íslandsförunum. Skrítið hvernig maður dofnar upp við svona ástand. Margir hér í sama doðanum og lítið um framkvæmdagleði. Nú fer vonandi að sjá fyrir endann á doðanum og ég og við getum farið að hlakka til jólanna og undirbúningsins. Gaman gaman.

Nína Berglind er búin að vera í skólafríi alla vikuna og við skelltum okkur í skemmtigarð í Þýskalandi sem heitir Europapark eða ojopapaak eins og Þjóðverjar bera þetta fram. Vorum tvo heila daga þar og gistum á mjög skemmtilegu fjölskylduhóteli á svæðinu. Mæli eindregið með þessum garði fyrir þá sem eru einhversstaðar nálægt suðvestur Þýskalandi. Svo var farið í fjöldaferð í bíó í gær á High School Musical 3 sem var auðvitað fimm stjörnu mynd ;) Allar skvísurnar mjög glaðar með þetta. Svo er bara skemmtileg helgi framundan, skellum okkur á skauta kannski... orðið ansi langt síðan ég stóð á þeim, kannski get ég það ekki lengur, verð að muna eftir rasspúðanum til vonar og vara.

Góða helgi allir saman

Af svefni og Nínu Berglindi

2008-10-24T11:51:00.003+02:00

Var að lesa í gær um svefnvandamál í uppeldisbiblíunni minni af því engillinn hann Hjálmar er orðinn eitthvað óþekkur með þetta þegar ég rakst á snilldarsetningu sem ég alveg eigna henni Nínu fínu appelsínu...

"Svo eru til þau börn sem þurfa minni svefn en bókin segir okkur og það eru þau börn sem verða forsætisráðherrar, iðnjöfrar eða eitthvað af þessum óþolandi ofurafkastamiklu einstaklinga"(lausl. þýðing)

.... ég vissi það, hún á eftir að bjarga Íslandi ;)

Rússibanaferð

2008-10-21T10:01:00.002+02:00

Púha... búnar að vera ansi fróðlegar síðustu þrjár vikur og misskemmtilegar. Ekki gaman þegar kreditkortinu manns er lokað án aðvörunar af því það vill svo til að maðurinn minn vinnur hjá íslenskum banka sem nota bene er enn starfandi þannig séð og allir enn á launum. Eykur enn meira á óöryggistilfinninguna. Gaman að sjá hvað fólk stendur saman þegar eitthvað bjátar á og allir eru tilbúnir að hjálpa öllum. Ekki gaman að þurfa að velta fyrir sér enn og aftur hvort við eigum að flytja. Gaman að Hjálmar er hættur með bleyju og tekur þannig virkan þátt í sparnaðinum. Ekki gaman að hugsa til þess að Nína Berglind þurfi að kveðja vinkonuhópinn sinn sem er ansi þéttur og skemmtilegur. Gaman hvað haustveðrið er búið að vera yndislegt. Ekki gaman að geta ekki skipulagt neitt í nánustu framtíð fyrir skipulagsfríði eins og mig. Gaman að allir eru hraustir. Gaman að Dagvaktinni síðustu. Gaman að tvö lítil heilbrigð börn hafa bæst við í vinkonuhópnum. Gaman að fylgjast með fólki á Facebook taka hvern dag fyrir sig. Gaman að vera Íslendingur og hafa bein í nefinu. Gaman að lesa sér til um íslenska skólakerfið sem er bara ansi lúnkið og ekki eins slæmt og mig minnti. Þetta verður bara skemmtilegra og skemmtilegra....

Trick or treat

2008-10-18T19:04:00.000+02:00

Halloween

2008-10-18T18:06:00.002+02:00

Haustleikur a rolo

2008-10-11T13:47:00.000+02:00

Að duga eða drepast

2008-10-08T14:21:00.002+02:00

Nú er ungamamman komin í fight or flight viðbragðsstöðu. Vernda litlu börnin hvað sem á dynur það er það eina sem skiptir máli þegar fótunum er kippt undan manni svona nokkurn veginn án viðvörunar.

Ég get ekkert verið að ergja mig yfir því af hverju svona fór því það fór svona og nú er að taka á honum stóra sínum og skapa áframhaldandi stöðugt og ástríkt umhverfi fyrir litlu yndin mín. Ég verð eins og fíll þegar á móti blæs og ekkert getur keyrt mig niður og núna er komið að mér að nýta þennan hæfileika :)

Vona bara að fólk finni innra með sér baráttuvilja og bjartsýni og nýti sér það á þessum tímum því það breytir ösku í sólarljós.

Hvíld eftir göngu um Trier

2008-09-27T19:20:00.001+02:00

Fæðingarstaður Karl Marx (5.mai 1818)

2008-09-27T19:19:00.000+02:00

orðinn MuseumSHOP sem hann hefði örugglega verið stoltur af ;)

Porta Nigra i Trier

2008-09-27T12:48:00.002+02:00

Nína Berglind

2008-09-26T14:08:00.002+02:00

Frumburðurinn orðinn sjö ára. Gaman að líta yfir farinn veg á svona merkum tímamótum. Litla snótin hefur oft reynt á þolrifin hjá foreldrunum. Neitar að fara að sofa, vill leika sér fram á rauða nótt, ef við reyndum að lesa fyrir hana á yngri árum fengum við bara tærnar hennar uppí nefið á okkur og hún sönglaði á meðan en sagðist vera að hlusta. Hún á erfitt með að slaka á og hlýða fyrirmælum, orkan of mikil fyrir hennar litla kropp. Hefur komið foreldrum sínum á óvart með að vera fyrirmyndarnemandi - og þá í þeim skilningi að sitja kyrr og hlusta á kennarann lesa, vera aldrei óþekk en alltaf hlýðin, vilja klára öll verkefni og hafa þau 100% og helst aukaverkefni ef þau bjóðast, að hjálpa samnemendum sínum og svo framvegis. Hér heima er erfitt að fá hana til að ljúka því verkefni að taka til í herberginu sínu eða elda matinn (sem hún fær einstöku sinnum að gera), byrjar að baka pönnukökur en heyrir svo eitthvað skemmtilegt lag og hendir í mig ausunni og biður mig að klára með þeim fyrirmælum að það eigi eftir að búa til N og H úr deiginu, getur ekki sótt skæri uppí herbergi því henni er svo illt í fótunum en dansar við Mamma Mia í klukkutíma og eltir bróður sinn á röndum og vill fara í þykjustuslag.

Henni finnst gaman að spila en getur ekki gert það án þess að breyta reglunum sér í hag og sagði það meira segja um daginn þegar ég var að spila við Hjálmar sem er orðinn ansi lunkinn í Sequence að henni fyndist nú skemmtilegra að svindla til að vinna! Hún getur oftast talað vini sína yfir á sitt band, hvort sem það er til að hún geti unnið í spilum eða fengið að leika með eitthvað ákveðið petshop dýr eða fengið að sitja við bílstjórasætið í gömlu bílunum í Tivolí í Kaupmannahöfn og svo mætti lengi telja. Hún hefur samningshæfileika og er yfirleitt heiðarleg í þessum tilfæringum sínum, það fara fáir súrir frá hennar samningsborði en stundum örlítið snauðari.

Nína er barngóð það verður ekki tekið af henni en stundum þekkir hún ekki takmörkin sín eins og við þurftum að taka á þegar litli bróðir hennar fæddist þegar hún var bara 4 ára en "alfær" að sjá um ungabörn að eigin mati. Hér á hún litla frænku sem hún bara elskar útaf lífinu og vill alltaf vera með, aðeins auðveldara að treysta henni nú en ennþá heldur hún sig meiri og eldri en hún er. Það má segja að ef hún sér ungabarn þá er hún komin með það í fangið og farin að leika við það, syngja eða segja sögu.

Alltaf er stuð í kringum þessa yndislegu stúlku og orkan endalaus, sumir hafa haldið því fram að hún sé "of virk". Ég hef einmitt verið að hugsa þetta uppá síðkastið og hef komist að þeirri niðurstöðu að þessi stórkostlega orka sem hún hefur á eftir að leiða til þess að hún gerir stórkostlega hluti :) Það eru sannarlega fleiri klukkutímar í sólarhringnum hennar en mínum....

Skytturnar 3 - the bad guys

2008-09-21T01:10:00.001+02:00

Systkini a siglingu

2008-09-14T13:35:00.001+02:00

Nina a rolonum

2008-09-14T13:32:00.001+02:00

Hjalmar a motorhjolinu sinu

2008-09-14T12:05:00.001+02:00

Nina a golfnamskeidi

2008-09-13T09:32:00.001+02:00

Kyrin i hverfinu okkar ad fa ad borda

2008-09-06T17:36:00.001+02:00

Nýjar myndir komnar á Flickr

2008-09-06T14:29:00.003+02:00

Myndablogg

2008-09-03T13:23:00.003+02:00

Nú hafið þið séð það nýjasta nýtt en það er myndabloggið :) Við sendum myndir úr símanum beint á bloggsíðuna. Hentugt og sniðugt. Þannig að búast má við fleiri færslum en hefur verið ;)

Nú vorum við að fara í gegnum sumarfrísmyndirnar í gær og von bráðar detta þær inná netið. Heilir fjórir mánuðir, standi aðrir sig verr!!!

GO Celtic!

2008-08-31T13:17:00.000+02:00

Ester og Nina gladar i kennslustofunni

2008-08-27T08:45:00.000+02:00

Fyrsti skoladagur

2008-08-27T08:25:00.000+02:00

Hjalmar ad syna afa sinum Luxembourg

2008-08-24T17:56:00.000+02:00

Fraenkur i Brussel

2008-08-23T16:13:00.000+02:00

Hjalmar ad vokva allt og alla

2008-08-17T13:48:00.000+02:00

Nina komin heim

2008-08-15T17:05:00.000+02:00

Heima er best

2008-08-14T19:02:00.002+02:00

Komin heim eftir rétt rúmlega tveggja mánaða fjarveru. Það er alltaf gott að koma heim.

Þetta var nú meiriháttar ferðasumar. Íslandsdvölin og vinnan skemmtileg og ekki spillti fyrir þetta yndislega veður og allar sundferðirnar. Hjálmar orðin mjög fær í vatninu og heldur að hann sé flugsyndur án kúta og hendir sér útí án viðvörunar.... eins gott að taka aldrei augun af þessum dreng. Svo hoppar hann líka úr sófa eða af tröppum í kollhnís!! Nína Berglind alveg búin að sleppa kútunum og syndir skriðsund og bakskrið og í kafi og allskonar bara.

Kanadaförin var frábær. Misstum reyndar einn dag af því fluginu frá Íslandi til New York seinkaði um 50 mínútur og svo var þrumuveður og JFK lokaði í hálftíma og þar með var tíminn til að ná tengifluginu útrunninn. Sáum framá að þurfa að gista á JFK með börnin þar sem erfitt var að fá hótelherbergi og enginn vildi sjá aumur á okkur fyrr en við prufuðum lúxushótelin svo við höfðum það bara gott á einu slíku í eina nótt og fengum flug daginn eftir í gegnum Kaliforníu af öllum stöðum. Það var nú nokkuð notalegt, sól og fallegar strendur og við gátum farið aðeins út að viðra okkur.

Kamloops nokkuð söm við sig... maður sér smá meiri velmegun á miðbænum og lífstílnum en samt enn gamla góða sveitastemningin og allir jafnfrábærir. Hlökkum til að fá eitthvað af liðinu í heimsókn vonandi sem fyrst.

New York - alltaf skemmtileg. Ótrúlega heillandi og alltaf eitthvað nýtt að sjá en mikið af fólki alls staðar.

Setjum inn myndir við fyrsta tækifæri. Mikið af myndum að fara í gegnum til að velja hverjar eru hæfar til birtingar.

Sameinaðar í New York

2008-08-06T04:33:00.001+02:00

Regína mubla

2008-06-26T14:56:00.004+02:00

Það er nú svo furðulegt að þegar maður er kominn í gamla vinnugallann á gamla vinnustaðinn þá heilsa allir eins og maður sé rétt að koma úr sumarfríi!!! Fólk er alveg hissa þegar ég segist hafa verið í burtu í meira en tvö og hálft ár.... svona er ég aðlögunarhæf eða er ég kannski bara eins og gamall sófi sem fólk tekur ekki eftir að er farinn fyrr en hann kemur aftur úr hreinsun?

Stuð í Middelfart

2008-06-19T12:38:00.003+02:00

Já það flæddi aftur inní kjallarann þegar ég var að skrifa síðustu bloggfærslu en nú á að vera búið að lagfæra vandamálið. Af hverju ætli pípulagningamaðurinn hafi ekki verið kallaður til í fyrra skiptið?

En nú er ég á Íslandi og búin að hafa það náðugt í Danmörku í millitíðinni. Hitti nokkra vini og rölti um gamlar slóðir og svo fórum við Hjálmar til Odense með ömmu Nínu og Rod Stewart var bara alveg frábær. Ekki að sjá á honum (úr fjarlægð a.m.k.) að hann sé 64 ára. Hann var í fullu fjöri og sparkaði meira að segja árituðum fótboltum í áhorfendur og því miður vantaði nokkra sentimetra uppá að Selma næði einum.... oohhhh!
Myndi velja Rod hvaða dag ársins fram yfir Bob Dylan verð ég að viðurkenna úr því sem komið er.

Hjálmar er byrjaður á leikskólanum og er að fíla sig bara nokkuð vel. Hitti þar vinkonu sína sem átti heima í Danmörku á sama tíma og við og hún hefur alveg tekið hann uppá sína arma litla dúllan.

Svo fyrsti vinnudagur á morgun. Eða semi-vinnudagur. Veit ekki hvort ég verð til mikils gagns en það er aldrei að vita nema maður hrökkvi í gírinn við að koma inná deildina og anda að sér gösunum þar ;)

Rigning og reykingar

2008-06-06T16:26:00.003+02:00

Nú styttist í ferðalag hjá mér og Hjálmari. Blendnar tilfinningar, gaman að fara til Danmerkur og hitta fólk þar og sjá Rodda kallinn. Leiðinlegt að skilja Nínu og Sigtrygg eftir í svona langan tíma... hmmm hvernig kemur maður sér í svona aðstöðu?

Annars flæddi inní kjallarann hjá okkur um daginn það rigndi svo mikið, ja akkúrat fyrir viku og allt fór á flot. Sem betur fer var skipulagsfríður búin að raða flestum kössum í hillur og allt í þvottahúsinu er nokkra sentimetra yfir gólfinu svo betur fór en á horfðist. Er samt að bögglast við að þurrka nokkrar bækur en það gengur erfiðlega þar sem rakinn er svo mikill hérna og sérstaklega mikill í kjallaranum. Núna er einmitt að rigna svona mikið svo það er bara best að ég skelli mér í kjallarann og setji eitthvað fyrir hurðina inní bílskúrinn svo þetta gerist ekki aftur.

Við höllumst að því að húsvörðurinn í húsinu við hliðina á okkur sem við eigum sameiginlegan bílskúr með sé búinn að fylla öll niðurföll með sigarettustubbum og þess vegna hafi þau ekki haft undan að drenera alla rigninguna... það er ekki eins og það hafi rignt í marga klukkutíma sko!!! Reykingar eru skaðlegar ég fer ekki ofan af því.

Hlakka til að sjá ykkur öll og hafið það gott....

Sumarplön

2008-05-22T15:51:00.004+02:00

hmmm.... mín bara í stuði! "Alltaf" að blogga :)

Góða veðrið kom með miklum látum en hvarf svo aftur tveim vikum seinna og núna er svona sæmilegasta vorveður bara. Auðvitað langar mig samt aftur í steikina....

Nú styttist í Danmerkurferð hjá mér og Hjálmari... Rod Stewart maður... það verður erfitt að toppa það! Hlakka mikið til að sjá kallinn á sviði þó hann sé búinn að róast ansi mikið. Mamma og Selma koma líka þar sem þetta er afmælisgjöfin hennar mömmu sem hefur haldið uppá Rodda alla tíð og við því alist upp við að horfa á mömmu dansa og syngja við "HOT LEGS" "D'YA THINK I'M SEXY" og fleira sniðugt :)

Fyrir þá sem ekki vita þá hef ég hitt kallinn einu sinni áður... hann var á rölti nálægt Kings Road í London einn laugardagsmorgun fyrir mörgum árum og við Sigtryggur í leigubíl á sama stað. Hann var í grænum jakkafötum með tveggja metra háa ljósku með sér og greinilega enn í stuði frá því kvöldið áður. Maðurinn í bílnum fyrir aftan okkur flautaði og kallaði "HEY ROD" og kallinn labbaði upp að leigubílnum okkar og benti með báðum vísifingrum að okkur og sagði "tjatjatjatja"!!!

Stoppum viku í Danmörku og við Hjálmar ætlum að vera tvo aukadaga í Köben og rifja upp gamlar slóðir, hlakka mikið til.

Svo er það Ísland þar sem húsmóðirin ætlar að skella sér á vinnumarkaðinn í svona eins og einn mánuð til að dusta mesta rykið af hjúkrunarkunnáttunni. Hjálmar fer á leikskóla og það verður spennandi að sjá hvernig hann tekur því... litli mömmustrákurinn minn. Við löbbuðum framhjá leikskóla sem er hérna í götunni um daginn og Hjálmar stoppaði og starði á börnin og horfði svo á mig og skildi ekki af hverju hann var ekki hinum megin við grindverkið. Börnin á leikskólanum flykktust að grindverkinu og reyndu að opna það til að hleypa honum inn því þau voru heldur ekki að skilja málið.

Nína og Sigtryggur mæta svo til landsins í lok júní. Það verður erfitt að vera í burtu frá Nínu í þrjár vikur en þau feðgin hafa gott af því að eyða þessum tíma saman og gera eitthvað skemmtilegt. Amma Anna verður líka hér og svo auðvitað sálufélaginn hún Elín Kolfinna. Það verður lífsreynsla fyrir þær að vera í sundur heila tvo mánuði í sumar.....

Við förum nefnilega til Kanada í lok júlí til að fara í brúðkaup hjá vinum okkar í Kamloops og við erum að deyja úr tilhlökkun.... "oh Canada the land of the free.. the land of you and me.."

Svo verður stoppað hjá góðum vinum í New York á leiðinni til baka og meira að segja hittum Selmu systur þar og hennar fjölskyldu... stuð stuð stuð!!!

En hlakka til að hitta alla á Íslandi eftir bara ekki svo marga daga.. nenni ekki að telja.
Hafið þið tekið eftir hversu mikil tilhlökkun er í gangi hérna í lúx????

Myndir

2008-05-12T10:23:00.008+02:00

Myndir myndir myndir myndir myndir myndir myndir myndir

MYNDIR!!!!!

(syngist eins og Batmanlagið)

hmmm... apríl að verða búinn

2008-04-29T11:51:00.004+02:00

Ekki seinna vænna að blogga til að ná inn apríl færslu!! Annars er ég viss um að "áhorfið" hefur dottið talsvert niður ef ekki horfið algjörlega í þessari bloggleti minni.

Það er nú líka mest lítið að frétta. Sigtryggur vinnur og vinnur og vinnur og ég bíð og bíð og bíð eftir vorinu. Eftir trampólín uppsetninguna frægu snjóaði þessi ósköp og ég og börnin dunduðum okkur í snjókasti og snjókallagerð í tvo daga áður en hann hvarf aftur. Síðan þá hefur veðrið verið upp og niður eins og á flestum stöðum en hlýnar alltaf meira inná milli köldu daganna.

Við ákváðum að hitta Eddu og Jón Árna miðja leið milli lúx og köben og Hannover varð fyrir valinu... eða réttara sagt gistum í Gronau í 280 ára gömlu húsi sem átti hug hennar Nínu allan og átti hún erfitt með að átta sig á því að húsið væri ekki að fara að hrynja þó það væri allt svona skakkt. Nú er hún búin að skrifa litla ritgerð um það í skólanum. Ég hélt kannski að fallegi garðurinn eða stórkostlegi dýragarðurinn í Hannover hefði vakið meiri athygli en nei... hallandi húsið var aðalmálið "and it didn foll don" eins og Nína skrifaði. Annars vorum við mest hissa á Gronau, 5600 manna bær sem var steinsofandi þegar við komum um kvöldið á fimmtudaginn en á föstudagsmorguninn þegar við ætluðum að spóka okkur um í þessum eldgamla fallega "smá"bæ þá urðum við að hafa okkur öll við að lenda ekki undir bíl eða vera gengin niður.... "the busiest little town in Germany" algerlega og við forðuðum okkur til Hannover til að fá smá ró :)

Okkur tókst nú samt að fá smá lit í andlitið áður en rigningin byrjaði aftur í gær. Þetta er eiginlega öfugt við Ísland þ.e. að það rignir í miðri viku og góða veðrið kemur um helgar en eins og allir Íslendingar vita er góða veðrið yfirleitt á virkum dögum og leiðinlega veðrið um helgar þegar á að taka grillið fram.

Fegin er ég að hafa ekki verið búin að planta vorblómunum. Stefni á það um helgina loksins og tæta illgresið úr garðinum og slá áður en ég týni Hjálmari.

Varðandi myndirnar þá skammast ég mín auðvitað niðrí tær. Málið er að við erum búin með allt pláss á hörðu diskunum okkar og þurftum aðeins að losa pláss til að geta tekið af vélunum það sem af er árinu. Hitt vandamálið er svo að ég kann ekkert á þetta og ætla að læra þetta af Sigtryggi þegar hann hefur tíma og þá fáið þið alveg nóg af myndum.

Svo ég gleymi ekki aðalmálinu þá var Nína Berglind að taka þátt í vorsýningu í skólanum sínum. Með búningum og frumsömdum lögum/textum og ljósum og öllu. Hún var með nokkrar sameiginlegar línur og svo var dansað og sungið. Skellum inn videói af þessu þegar þið vitið ég get græjað þetta ;)

Gleðilegt sumar allir heima. Hér er enn verið að bíða eftir sumrinu....

Það er lóa að vappa um í garðinum mínum :)

2008-03-31T13:23:00.002+02:00

Rosalega gott veður í gærmorgun, hálfgert sumarveður en svo skýjaði aftur. Þrátt fyrir það er þetta merki um að vorið sé loksins að koma. Fór einmitt af því tilefni í fyrradag að kaupa þetta risastóra trampólín, gerði mér ekki alveg grein fyrir stærðinni á myndinni á boxinu, dundaði mér við að setja það saman með Nínu og Hjálmari inní stofu og svo kom Sigtryggur heim í kvöldmat og fékk það erfiða verkefni að setja gormana á. Á sunnudagsmorguninn í gær semsagt ætlaði ég svo að rúlla því út um stóra svalahurðaropið en nei trampólínið soldið mikið stærra en að það væri gerlegt og svo ætlaði ég að prufa útidyrahurðina en nei komst ekki útúr stofunni hvernig sem við Nína reyndum, hún er ansi duglegur aðstoðarmaður. Svo það þurfti að búta það í sundur aftur og setja saman en akkúrat þegar Sigtryggur kom heim og við reyndum þetta kom hellidemba og allir rennblautir. Nú er ég búin að setja saman stoðgrindurnar aftur og þá gorma sem ég hef krafta í að setja á og bíð eftir að kraftatröllið komi heim til að klára dæmið. Það fylgdi með öryggisnet svo það þarf enginn að hafa áhyggjur af því að Hjálmar skoppi útaf þegar Nína (eða ég) er að fara heljarstökkin ;)

Svo er bara að fara að planta vorblómunum næstu helgi og fjárfesta í gaskút.

Nína Berglind er nokkurn veginn gróin sára sinna og er bara hress með lífið og tilveruna. Hjálmar farinn að sofa betur og er alger grallari. Breyttist úr smábarni í brjálaðan skæruliða á einum mánuði.

Fórum einmitt til London um páskana til að heimsækja elsku Selmu systur Regínu og fjölskyldu og fengum þetta leiðindaveður. En það er gaman eftirá að rifja upp haglstorminn í Hyde Park og svo nokkuð minna haglél og rok í dýragarðinum nokkrum dögum seinna. Það verður bara betra veður næst þegar við hittumst - á Íslandi í brúðkaupinu hjá Stymma stóra litlabróður og Helgu;) Ekki má heldur gleyma harðsperrunum sem við Selma fengum í handleggina eftir að hafa spilað Wii útí eitt, mínar eru rétt að fara núna. Held ég þurfi að fjárfesta í svona heilsuræktartæki...

HjólaNína

2008-02-24T16:28:00.004+01:00

Vildi hafa, gæti hafa, skyldi hafa stoppað Nínu áður en hún skall á veggnum á fleygiferð en þá hefði ég þurft að henda honum Hjálmari sem var fastur í stólnum á hjólinu mínu í jörðina og hætta á að hann slasaðist líka. Erfiðar ákvarðanir sem ómögulegt er að taka á þremur sekúndum. Vont að horfa uppá þetta en allt fór betur en á horfðist þó svo að það sé ekki gaman að horfa á barnið sitt skella á hraunuðum steypuvegg andlitið fyrst (þarf að lifa við þá ímynd í marga daga í viðbót býst ég við) en guði sé lof fyrir hjálminn, ég segi ekki meira. Litla fallega stúlkan fékk stóran skurð á hökuna sem þurfti að sauma og nefbrot auk annarra minniháttar hruflna og skráma. Barnaspítalinn hér í lúx stóð sig eins og hetja og núna bíðum við bara eftir að Nína grói sára sinna og bólgan hjaðni á nefinu svo það sé hægt að meta það aftur á þriðjudaginn kemur - hvort það þurfi lagfæringa við... sem mér sýnist ekki sem betur fer.

Nína er auðvitað stærsta hetjan í þessu máli og skellti sér meira að segja í fimleika í gær en fékk að sleppa kollhnísunum, þó það hefði nú verið ;) Hún er mest óánægð með að hún lítur ekki nógu vel út vildi óska þess að hún gæti galdrað gamla andlitið sitt til baka. Ekki gott að vera óþolinmóður í þessum aðstæðum. Hún verður kannski ánægðari þegar marblettirnir breytast úr grænum í fjólubláa því það er einn af uppáhaldslitunum hennar.

Hjálmar hefur sofið illa síðan og erfitt að meta hvort þetta hafi allt saman haft einhver áhrif á hann. Hann auðvitað sá Nínu skella á veggnum og allt blóðið útum allt og panikkið sem fylgdi í nokkrar mínútur á eftir... verst að hann getur ekki tjáð sig um þetta að ráði.

Nú er bara að fara og fjárfesta í nýjum hjálmi fyrir Nínu þar sem hinn er ónýtur og fer beina leið í ruslið og svo einhverjum svakalega flottum fimleikabol í verðlaun fyrir hetjuskapinn :)

Stiklur

2008-01-25T18:18:00.000+01:00

Kominn tími á smá skrif. Mikið búið að vera að gerast en samt ekki svo mikið :) Erum nokkurn veginn búin að koma okkur fyrir. Vantar fataskáp í andyrið, hillur í þvottahús og þvottavél á leiðinni en þetta eru smáhlutir miðað við allt hitt.

Nína Berglind stendur sig eins og hetja í skólanum, farin að tala ensku og skilur mest allt. Hún virðist ætla að aðlagast vel eins og hennar er von og vísa.

Hjálmar enn að dúllast með mömmu sinni og það er bara notalegt. Hugsa að hann fari í leikskóla bara með vorinu... kemur allt í ljós síðar.

Fórum til Danmerkur yfir jólin, fyrst Odense og það var mjög notalegt. Borðað og spilað og farið í gönguferðir og bæjarferðir og á róló og horft á sjónvarpið og legið í leti.

Svo var farið til að ganga frá íbúðinni og skila bílnum í Kaupmannahöfn og það var allt saman misskemmtilegt og meira um það síðar en fór vel á endanum. Nú bíð ég eftir að við fáum trygginguna endurgreidda og þá verður allt vitlaust :)

Svo var komið hingað aftur til Lúx og allt að komast í fastar skorður hægt og rólega. Veðrið búið að vera ansi óútreiknanlegt, rok og rigning, kalt og bjart, brjálað rok aftur og bara soldið eins og á Íslandi... vantar samt snjóinn.

Talandi um snjó þá erum við á leiðinni til Íslands eftir tæpa viku og erum að vona flestum Íslendingum til skaprauna (nema jeppafólki) að snjórinn haldi allavega þangað til svo maður geti nú kannski skellt sér í bláfjöll eina dagstund eða svo.... hef ekki farið í Bláfjöll í tugi ára - hræðilegt að geta sagt þetta svona.

En auf wiedersehen, au revoir, addi og allt það frá Lúx og hlakka til að hitta sem flesta á Íslandi

Fyrir utan þessa framtakssemi í mér þá var Sigtryggur ansi framtakssamur og það eru komin heil 3 ný albúm á myndasíðuna... geri aðrir betur

Gög og Gokke

2007-12-05T15:32:00.001+01:00

Það verður ekki af þeim skafið flutningamönnunum sem tóku dótið okkar og fluttu það til Lúxemborgar síðustu helgi. Þurfti í fyrsta lagi að bíða lengi eftir þeim og þegar þeir á endanum komu á föstudaginn voru þeir svo þreyttir eftir flutninga dagsins að ég var ekki alveg viss hvort ég ætti að treysta þeim fyrir verkinu en svo komu tveir til viðbótar og allt gekk þetta á endanum. Fyrir utan auðvitað að þeir stálu fyrir mína hönd nokkrum hlutum úr geymslunni sem ólánsamir nágrannar mínir geymdu úti á geymslugangi þó svo að ég hafi stoppað þá tvisvar sinnum með sama sjónvarpsskápinn og skíðabogana!!! En við erum komin með skúffur í geymsluna sem er ágætt :)

Þegar við svo mættum í húsið okkar á mánudagskvöldið áttum við ekki til orð... hvurslags vinnubrögð eru þetta spyr ég. Þegar maður kemur inní húsið er smá gangur og svo stofan nokkuð stór beint áfram. Þeir hentu dótinu inní stofuna hér og þar nota bene ekkert skipulega og svo þegar plássið var uppurið þar inni fylltu þeir uppí hurðaropið (sem er tvöfalt) með kössunum og settu hjólin okkar og skenk fyrir framan svo þetta var eins og að bjarga húsgögnunum sínum úr hruninni kolanámu. Svo fyrst eftir að við náðum dýnunum okkar úr prísundinni gátum við lagt okkar þreyttu hausa á koddana eftir tæplega 9 tíma keyrslu.

Whúha....

2007-11-26T11:10:00.000+01:00

... fórum á "Gala"frumsýningu á myndinni hans Hjálmars "Daisy Diamond" á fimmtudaginn og ég verð að segja hreint út að mér fannst þetta vera ansi mikið á grensunni klám/artí fartí! Það heyrðist vel þegar það fór óþægindakliður um salinn í ákveðnum senum. Hún fær mjög góða dóma hérna þessi mynd og margir frægustu leikarar Danmerkur sem ganga ansi langt fyrir þennan leikstjóra en Hjálmar fær ekki að sjá hana fyrr en hann er orðinn 20 ára um leið og ég kaupi fyrsta bjórinn hans!! Þetta er ekki fyrir viðkvæmar sálir og ef einhver er forvitinn og vill sjá kappann á hvíta tjaldinu þá er allt í lagi að ganga út þegar barnasenurnar eru búnar því þetta verður bara hard core klám eftir það. Við höfum verið að grínast með það að nú eru Snæfríður og Hjálmar búin að leika saman í klámmynd og þá getum við strikað það útaf listanum yfir það sem við þurfum að hafa áhyggjur af í framtíðinni.

En seriously folks ekki fara að sjá þessa mynd nema þið hafið áhuga á að láta vekja með ykkur óþæginda/viðbjóðstilfinningu. Þetta er vond mynd og þær eru svo sem nauðsynlegar því það er margt í þessum heimi sem er vont en ég vil frekar að myndir veki með mér hlátur og gleði en ekki viðbjóð ;/ Enda fórum við skötuhjúin heim hálfsjokkeruð og horfðum á Friends til að ná viðbjóðnum úr hausnum fyrir svefninn.

Smáborgarasögur

2007-10-23T12:50:00.000+02:00

Hovsa.... er ekki kominn október? Mikið líður tíminn hratt þegar mikið er um að vera.

Varð vitni að dópsölu/kaupum í fyrsta skiptið, mjög pent! Gaman að rölta með barnavagninn á leið í sund á sunnudegi og sjá svona :)

Á leiðinni heim sama sunnudaginn sátum við Nína Berglind saman í strætóinum og það var einhver ólukkulega útlítandi maður að gefa henni auga alltaf og henni leið eitthvað óþægilega með þetta svo ég hélt bara utan um hana og sagði að þetta væri allt í lagi. Maðurinn fer út á stoppustöðinni á undan okkar og reynir að grípa í hendina á Nínu á leiðinni út en þegar það misheppnast sleikir hann stöngina þar sem Nína var með hendina!!! Og ég var að segja henni að það væri allt í lagi...... þetta var sko ekki í lagi!!!!!

Daginn eftir var ég að hjóla í vefnaðarvöruverslun og hún er á torgi og þar má auðvitað ekki hjóla. Vill svo skemmtilega til að hún er við hliðina á lögreglustöð. Það hjóla allir á þessu torgi... ég meina hvað er málið.... allavega þá mæti ég einkennisklæddum lögregluþjóni og óeinkennisklæddum (geri ég ráð fyrir miðað við viðbrögðin), þessi einkennisklæddi brosir við mér og ég fer með annan fótinn af og læt mig renna þá verður hinn óeinkennisklæddi laganna vörður sem var að tala í símann by the way svona lítið reiður og öskrar á mig "DU CYKLER PÅ FORTOVET!!!!!!" Ég sný mér við og fer af hjólinu og segi ertu að "tala" við mig? þá verður hann enn reiðari og öskrar enn hærra "DU CYKLER PÅ FORTOVET!!!!!!" Ég sagði þá bara allt í lagi og fór af hjólinu. Slapp með skrekkinn að þurfa að borga þennan 510 kall í sekt en í staðinn var ég í tilfinningalegu áfalli.

Nokkrar skemmtilegar smásögur af "stór"borgarlífinu hér í Kaupmannahöfn. Það er kannski bara ágætt að við séum að flytja í sveitina í Lúxemborg ;)

Nína Berglind 6 ára töffaradama og fleiri fréttir

2007-09-25T13:19:00.000+02:00

Nú er Nína Berglind orðin 6 ára skvísa. Hélt upp á afmælið sitt á afmælisdaginn, sunnudag. Henni fannst "alveg rosalega gaman" og var "alveg svakalega glöð" með daginn. Við vorum líka svo heppin þar sem við héldum afmælið útí garðinum hérna að sólin braust fram og hitinn fór uppí 20° akkúrat þegar gesti bar að garði :) Nína Berglind var aftur á móti engan veginn ánægð með ratleikinn minn því þau voru svo fljót að finna útúr öllum vísbendingunum svo ég læt hana gera næsta leik. Maður nær ekki að fylgjast með hvað þau eru orðin klár þessi börn.

Hjálmar átti sínar stundir í afmælinu, réðst á öll börnin sem voru svo góð að mæta og dró þau niður í jörðina, sló þau, kýldi þau eða hrinti, meira að segja var hann að abbast uppá einn sjö ára! Nú held ég að við verðum að tilkynna hvort Hjálmar verður viðstaddur þegar við bjóðum fólki með börnin sín til okkar því aumingja angarnir bera ör á sálinni eftir þessi ósköp. Hvernig á maður að aga svona lítinn skæruliða sem er svona mikill sjarmör, ha? Einhver góð ráð þarna úti?

Á föstudaginn var tók ég þátt í að hindra að fólk kæmist inn á leikskólann hans Hjálmars af því Kaupmannarhafnarkommúna var búin að boða 250 milljón króna (danskra) niðurskurð á leikskólum og frístundaheimilum og fleiru þrátt fyrir að kommúnan skili hagnaði, ég meina hvaða kommúna sem er í plús fer að skera svona svakalega niður á þessum stað? En allavega þá urðu foreldrar svakalega reiðir og skipulögðu alls konar mótmæli og það var fullt í gangi og fullt af fólki sem mætti á þessa fundi og göngur og pedagógar hótuðu verkfalli og í einni svipan var þessi niðurskurður kominn niðrí 0 krónur danskar. Vá ég hef nú skrifað mig á marga undirskriftarlistana á Íslandi og það hefur aldrei skilað neinum árangri... við ættum kannski að taka upp mótmælastíl Dananna. En það er gaman að sjá að maður hefur eitthvað að segja, ég hef ekki upplifað það sérstaklega sem Íslendingur. En svo er spurning hvort þeir (stjórnmálamennirnir) geri þetta bara að gamni sínu til að létta sér stundir því þeir gerðu þetta í fyrra líka - hótuðu stórfelldum niðurskurði í skólakerfinu og kennarar fóru í verkfall í 1 dag og þá var allt tekið til baka.

Atvinnuviðtal númer tvö á morgun. Það verður gaman. Átti að fara á föstudaginn en fékk bréfið svo seint og það var stílað á alter egóið mitt Camillu svo ég var ekki viss hvað ég átti að gera en við erum búnar að leysa úr þessu ég og deildarstjórinn á þessari deild og þetta átti ekki að fara til Camillu heldur til Regínu sem er gott því Camilla veit ekkert um hjúkrun :)

Ný video og myndir

2007-09-15T15:32:00.000+02:00

Við erum búin að setja inn myndir fyrir ágúst og september mánuð. Einnig höfum við sett inn fullt af nýjum video-um.

Snakker du dansk?

2007-09-05T11:58:00.001+02:00

Engin vinna enn... ég held áfram að leita þýðir fátt annað.
Tók stöðupróf áðan í dönsku til að reyna að komast á eitthvað námskeið... turns out að ég er of góð í dönsku til að fara á námskeið! Smá búst fyrir sjálfsálitið en samt ekki, er einhvern veginn milli steins og sleggju, þarf að æfa mig að tala dönsku og geri það ekki nema ég umgangist dani, sem ég myndi gera ef ég fengi vinnu.... skrípaleikur.

Alvara lífsins tekin við á ný

2007-08-22T09:56:00.000+02:00

Jæja þá er ég búin að fara í atvinnuviðtalið og fékk ekki vinnuna en er mjög fegin að vera búin að fara í eitt stykki viðtal þá veit ég við hverju ég á að búast næst. Þær voru allavega mjög almennilegar en ég held að það hái mér mest að hafa ekki unnið hérna áður. Hef heyrt nokkrar sögur af fólki sem hefur sótt um fullt af vinnum og ekkert fengið en svo þegar það fær fyrstu vinnuna þá fara hjólin að snúast. Eins og atvinnurekendur séu hræddir við að ráða útlendinga í fyrsta starfið en svo ekkert mál þegar einhver annar hefur gert það. En ég hef unnið eina vakt það hlýtur að telja ;)
Er búin að sækja um aðra vinnu nú þegar og bíð eftir upphringingu - vonandi :) Best að vera bjartsýn.

Nína Berglind stendur sig eins og hetja í öllu í kringum skólann, sprettur upp klukkan 7 á morgnana (sem við héldum að yrði erfiðasti parturinn fyrir svefnpurkuna okkar) og klæðir sig og borðar og setur á sig skólatöskuna áður en við getum sagt góðan daginn.... spurning hvað þessi spenningur endist lengi. Svo vill hún vera mætt klukkan 10 mínútur í 8 þó skólinn byrji ekki fyrr en átta en þessar tíu mínútur eru fyrir foreldra til að ræða við kennarann ef þarf. Hún á eftir að verða súpersamviskusöm erum við búin að spá. Hún ætti að hafa það frá okkur báðum. Ég var súpersamviskusöm sem barn og Sigtryggur sem fullorðinn - góð blanda :)

Danskan hennar er á sínum stað en hún var mest hrædd um að vera búin að gleyma henni þar sem hún var svo lengi á Íslandi og byrjaði aftur að tala enskuna við frænku sína frá Englandi. En hún er syngjandi og trallandi hér allan daginn "Pixelineeeee, vi skal til Pixieland, vi skal grihine og lege alle med...."

Hjálmar er orðinn soldið meiri mömmustrákur, ekki eins gott að skilja við hann á morgnana en hann skemmtir sér vel það sem eftir er dagsins og það er gott að vita. Hann er núna með alveg svakalega kúlu á enninu, sú stærsta hingað til (vonandi sú stærsta ever). Datt á hurðakarm í sumarhúsinu um helgina og svo á "fína" marmarann hérna í garðinum í gær. Hann er alltaf að koma við hana og segja áávvv og svo brosir hann bara til okkar með glettni í augunum. Hann er ekki mikið að gera drama úr þessu eins og sumir sem við þekkjum en hann er að læra af henni samt. Sparkar stundum í eitthvað og hleypur svo til okkar og vill að við kyssum á "bágtið" :)

Fyrsti skóladagurinn

2007-08-20T21:51:00.001+02:00

Í dag var fyrsti skóladagur Nínu Berglindar. Hún var að byrja í Randersgade skole og bekkurinn hennar heitir 0V.
Hún var svo dugleg stóra stelpan okkar og við að springa úr stolti.

Gestagangur og klaufaskapur

2007-07-28T09:49:00.001+02:00

Mikill gestagangur búinn að vera og í nokkrum tilfellum farið með gesti á flugvöllinn og aðrir sóttir. Nú eru síðustu gestirnir hjá okkur í bili og Nína Berglind farin til Íslands alein með Elvu Cailin frænku sinni sem er einu ári yngri! Þetta gekk eins og í sögu og mín kona vissi alveg nákvæmlega hvert hún var að fara og hvernig átti að gera hlutina - hún er náttlega svo vön þessi pæja :)
Núna er hún í stelpuferð í sveitinni með ömmu Nínu og fleiri frænkum.
Á meðan er afskaplega hljótt hérna hjá okkur og Hjálmar er að vinna í því að bæta upp skortinn á látunum.... ekki mjög erfitt fyrir hann þar sem hann er háværasta barn í heimi eins og við höfum fengið að vita :)

Fórum til Odense á afmælisdaginn hans Sigtryggs með Selmu systur og hennar börnum til að heimsækja Stymma bróður og fjölskyldu sem eru nýflutt þangað. Mjög gaman að kíkja í sveitina í einn dag og fá kökur og góðan mat í skemmtilegum félagsskap. Svolítið erfitt að keyra tilbaka þar sem ég var nokkuð nálægt því að sofna undir stýri. Hef aldrei lent í þessu áður - en heim komumst við Hjálmar heilu og höldnu. Afgangurinn af liðinu var í öðrum bíl, kannski þess vegna sem ég átti erfitt með að halda mér vakandi :/

Veðrið í gær sló svo öll met - þrumuveður og stormur og mesta rigning sem ég hef séð hér í Danmörku, slagaði hátt í rigninguna í Frakklandi í fyrrasumar en stóð yfir í mun styttri tíma og svo haglél í lokin - hvað er að gerast með veðrið hér í Evrópu?!

Að lokum ein klaufaleg saga af yours truly. Var að sækja um vinnu hér á Ríkisspítalanum, vaktalaus vinna og allt bara ídealt fyrir mig. Vandaði mig svakalega við umsóknina, afritaði leyfin mín tvö og einkunnir og prófskírteini og meðmælabréf og CV og skrifaði svo nokkrar línur með um sjálfa mig eins og Danir vilja hafa það og sendi í pósti í fyrradag. Vaknaði svo í gærmorgun við vondan draum og kallaði á Sigtrygg "ÉG GLEYMDI AÐ SENDA ALLAR KONTAKTUPPLÝSINGAR MEÐ UMSÓKNINNI!!!!" Svo ég settist aftur niður og skrifaði annað bréf og lét fylgja með í þetta sinn símanúmer, heimilisfang og netfang og setti í póst :)

Pearl Jam, Justin, skylmingar og óveður

2007-06-28T14:27:00.000+02:00

Vá hvað það er búið að vera mikið að gera.

Fólki rignir hér inn í Kaupmannahöfn í stuttar og lengri ferðir. Svo eru búnar að vera sumarhátíðir í gamla leikskólanum hennar Nínu og frístundaheimilinu hennar nýja. Grill og lautarferðir á meðan veðrið var stórkostlegt. Ekki svo mikið um það núna þar sem það rignir eitthvað flesta daga. Erum búin að vera dugleg að fara á tónleika. Justin Timberlake - stelpuferð í leðjubað og gufu og lunch og dinner og svo JT svakalega gaman. Damien Rice sló í gegn líka en bestu tónleikarnir voru núna á þriðjudaginn.... OMG segi ég nú bara - Pearl Jam í allri sinni dýrð í fyrsta skipti í Danmörku síðan harmleikurinn átti sér stað á Roskilde þar sem 9 mann létu lífið og þeir lögðu sko allt í tónleikana og það var svo gaman. Ég og Sigtryggur náðum að troða okkur fremst og berja gömlu goðin okkar augum og ekki spillti fyrir að ég náði í eitt stykki McCreedy gítarnögl fyrir gítarnördið :) Svo hjóluðum við heim kófsveitt með eyrnasuð. Verð að segja að þetta eru með bestu ef ekki bestu tónleikar sem ég hef farið á.... liggja á svipaðri línu og þegar ég fór að sjá Weezer á pínkulitlum tónleikastað í Osló hér um árið þegar þeir voru uppá sitt besta.

Fór líka að sjá hann Bödda frænda minn keppa á norðurlandamótinu í skylmingum í Odense í fyrradag. Hann var rosaflottur og endaði á því að taka bronsverðlaunin í sínum aldursflokki yngri en 13 ára semsagt. Gaman að fylgjast með sporti sem ekki er fjallað mikið um og fáir æfa. Þó var alveg slatti af Íslendingum þarna, eiginlega meirihluti - gaman að því. Virðulegt sport og Íslendingum veitir ekki af smá virðuleika :)

Að lokum - fórum til Marielyst í gær til að hitta vini okkar sem voru í sumarhúsi þar og þvílíkt og annað eins. Ágætis veður þegar við lögðum af stað, búið að stytta upp eftir svakalega rigningu og aðeins að glitta í sól en eftir því sem við keyrðum lengra því meira bættist í vindinn og rigninguna og okkur var hætt að standa á sama. Ég er með harðsperrur í handleggjunum eftir að hafa rembst við að halda bílnum á veginum. Þurftum svo að stoppa í einhverri geðveikri umferðarteppu rétt hjá Farø brúnni yfir á Falster og hringdum hingað og þangað til að komast að því hvað væri í gangi og þá var brúin lokuð vegna veðurs en sem betur fer stuttu seinna fóru þeir að hleypa fólksbílum yfir á meðan hjólhýsi og vöruflutningabílar þurftu að raða sér upp í vegakantinum og bíða eftir að lægði. Þegar við svo komum loksins til Marielyst eftir að hafa fengið slatta af laufblöðum og trjágreinum í bílinn fengum við þær fréttir að þetta væri versta óveður á Falster í 30 ár. Það sem maður leggur ekki á sig fyrir góðan mat í góðra vina hópi og smá sequence :)

p.s. börnin hafa það gott og bíða spennt eftir að komast í sumarfrí

Hún er tannlaus greyið ...

2007-06-02T12:23:00.000+02:00

Nína Berglind var rosalega ánægð í gær þegar hún missti seinni framtönnina. Hún missti fyrri framtönnina fyrir 10 dögum síðan og nú eru þær báðar farnar.

"MAMMA ÚA KÚKA"

2007-05-31T12:20:00.000+02:00

...fyrsta 3ja orða setningin hans Hjálmars sögð við hátíðlegt tækifæri og benti á rassinn á sér í leiðinni :) Flottur strákur.

Vorlokapistill

2007-05-28T20:22:00.000+02:00

Sumarið komið og við á fullu að njóta þess. Erum alltaf eitthvað úti. Mjög þægilegt hérna í hverfinu sem við erum í núna. Fullt af rólóvöllum og görðum og alltaf eitthvað hægt að gera. Ekki spillir fyrir að hafa svona margar búðir og kaffihús til að velja úr líka :)
Hlökkum mikið til að fá fyrsta sumargestinn í næstu viku. Svo eru alltaf fleiri að bætast í hópinn sem ætla að kíkja til Köben í sumar og það lítur út fyrir að það verði partí á hverju kvöldi....

Ég fór að vinna um daginn og líkaði bara vel. Soldið erfitt að koma svona inn sem afleysingamanneskja og kunna ekkert á tölvukerfin hjá spítulunum og svo ekki nógu góða "chitchat" dönsku. En það er allt að koma finnst mér. Hér í húsinu erum við nánast í öllum íbúðunum á sama aldri og með ung börn og erum oft að spjalla, svo vorum við uppí sveit í gær hjá vinnufélaga hans Sigtryggs henni Åse og manninum hennar og þau voru imponeruð yfir því að við skiptum ekki yfir í enskuna innan hálftíma heldur vorum bara allan daginn í dönskunni. Mér fannst það voða gaman. Sigtryggur er líka allur að koma til og skilur alltaf meira og meira.

Nína Berglind er byrjuð á "Fritten" eins og hún kallar það og þetta er voðalega spennandi. Hún er soldið feimin en þetta tekur smátíma. Hún er mjög ánægð með að vera þarna og það er svo gott fólk að vinna á þessum stað svo ég er líka ánægð. Hef verið að fara með hana seint og sækja snemma og hún finnur öryggi í því. Ég er svo þakklát fyrir að geta gefið mér tíma í þetta og þurfa ekki að henda henni frá mér grátandi. Eftir að hún byrjaði þarna er orðið svo spennandi að spila allskyns spil þannig að ég er búin að kaupa eitt fyrir hana og auglýsi eftir öðru sem ég finn ekki því dótabúðin sem það fékkst í er lokuð. Það heitir Thinkfun ef einhver sér þetta - á Íslandi kannski.... er svona strategíu spil fyrir einn. Nína er orðin mjög flink í því og á einni viku er hún farin frá beginner uppí advanced - klár stelpa.

Hjálmar orðinn stór STRÁKUR svo ekki sé meira sagt. Farinn að lemja og rífa í hárið á systur sinni og hendir öllu mögulegu og ómögulegu frá sér og sumu niður af svölunum. Svo keypti ég lítið "racer" hjól fyrir hann um daginn og hann þeysist um á þessu eins og elding. Hann hefur langað í þetta svo lengi og er í sjöunda himni yfir að eiga sjálfur eitt. Getur núna hætt að stelast á annarra manna hjól útá róló og bara hvar sem er :)

Svo brunnum við hjónaleysin allhressilega um daginn við að horfa á maraþonhlauparana koma í mark og vonum að þetta sé fyrsti og síðasti sólbruninn þetta árið. Erum útmökuð í sólarvörn þessa dagana til að lenda ekki í þessu aftur.

Nýjar myndir og video

2007-05-23T08:52:00.002+02:00

Höfum sett nýjar myndir og video á síðuna okkar. Nokkrar myndir fóru í Apríl mánuð en flestar í Maí.

Vor í lofti

2007-04-18T12:03:00.000+02:00

Nú er komið vorveður aftur eftir nokkra yndislega daga í sumarveðri. Nú er bara að vona að svona tíð komi aftur af og til það sem eftir er af vorinu.

Nína Berglind er að fara að hætta á leikskólanum... hún er orðin svo stór þessi stelpa. Byrjar á frístundaheimilinu 16. maí með bekknum sem hún verður í í haust þegar skólinn byrjar. Mjög sniðugt fyrirkomulag. Þá ná þau að kynnast og mynda vinabönd yfir sumarið og það verður ekki eins ógnvekjandi að byrja í skólanum. Veit ekki alveg hvernig Nína Berglind tekur því að skilja við hana Selmu vinkonu sína en þær geta alltaf hist þar sem við erum orðin næstum nágrannar.

Ég er ekki alveg að fíla þessi vinnumál. Er að komast að því að ég er með svo sértæka reynslu að það er ekki mikið að gera fyrir mig sem íhlaupahjúkka. Núna er því stefnan tekin á Ríkisspítalann og athuga hvort það er einhver möguleiki að fá dagvinnu þar og engar helgar eða helgidaga. Sá reyndar eina auglýsingu sem gæti hentað mér og ég þeim.

Svo er bara tónleikaruna framundan - gaman gaman. Fórum á Bob Dylan fyrir páska og það var svona gaman að sjá kappann en ekki meira en það. Svo er það Cold War Kids í maí og Damien Rice og Pearl Jam í júní alveg geggjað. Endum svo rununa á Roskilde festival í byrjun júlí og þá er komið sumarfrí. Vantar reyndar pössun fyrir Roskilde hátíðina og auglýsi eftir því hér með. Einhvern sem langar að koma til Kaupmannahafnar í byrjun júlí að passa tvo engla??

Skuldadagar!

2007-04-13T12:11:00.000+02:00

Engar myndir fyrir marsmánuð!!! Hefur þetta einhvern tímann gerst? Afsakið allir en við bættum úr því og það eru komnar inn síðustu febrúar myndirnar, allur marsmánuður og eitthvað frá páskafríinu í apríl :)

Flutt, flutt, flutt

2007-03-22T10:50:00.000+01:00

í nýja húsið loksins. Þetta hafa verið langdregnustu flutningar sem ég og mín fjölskylda hefur staðið í og hafa þeir verið margir. Frá því við Sigtryggur fórum að vera saman höfum við flutt - skipt um heimili/verið í millibilsástandi - 11 sinnum að þessum flutningum meðtöldum og þar af Nína Berglind 6 sinnum á sinni næstum 6 ára ævi. Ég held fast í vonina að hér verðum við í að minnsta kosti tvö ár ég bið ekki um meira. Þarf að halda ró í huga og kropp og njóta þess að vera í núinu og hér á Skanderborggade númer 5. Það leggst allavega vel í okkur. Hér höfum við sofið vel frá fyrstu nóttu og getum losað okkur við alla kassa úr íbúðinni eftir nákvæmlega 1 og 1/2 viku því þá fáum við geymsluna okkar heila en ekki hálfa.

Hjálmar er himinlifandi - hleypur í hringi gegnum eldhúsið inní stofu og finnst skemmtilegast þegar stóra systir eltir hann eða hleypur á móti honum til að bregða honum. Þá er mikið hlegið hér á bæ.

Heimasíminn er ekki lengur við lýði svo það má jarða það númer.

Bíðum svo bara spennt eftir fyrstu gestunum sem koma rétt eftir páska :)

Helenlea

2007-03-05T12:01:00.000+01:00

Konan sem ég elska að hata. Í þarsíðasta skipti sem ég fór að heimsækja hana langaði mig að slá hana utanundir en þá sagði hún mér að í næsta skipti ætlaði hún að hvíla grindina og vöðvana þar í kring og leggja meiri áherslu á herðarnar og hálsinn. Þegar ég heyrði þetta hætti ég við að segja henni upp. Hélt að hún fyndi nú ekkert eins slæmt og þarna niðri og að ég gæti notið þess að liggja á bekknum hennar til tilbreytingar, en hún hefur töfraputta þessi kona. Hún finnur ALLT - sem auðvitað gerir hana að góðum nuddara. Ætli ég verði ekki líka að viðurkenna að mér líður svo miklu betur í skrokknum svo eitthvað er hún að gera rétt. Hún er auðvitað alveg frábær, það er ekki hlaupið að því að losna við svona krankleika svo ég verð bara að kyngja þessu og fara svo á fullt í líkamsræktina til að styrkja þessa vöðva sem hún er búin að losa um spennuna í. Ég verð líka að undirbúa mig vel ef ég á að geta gengið með fleiri börn.
Grindargliðnun er ekkert grín ;)

Babb í bátinn

2007-02-28T09:59:00.000+01:00

Fékk þær upplýsingar að ég þarf að sækja um löggildingu á hjúkrunarprófinu mínu áður en ég get farið að vinna. Getur tekið allt að þrjá mánuði!!! að fá það í gegn. Einhversstaðar klingja samt bjöllur í hausnum á mér að ég hafi vitað þetta. Það var örugglega einhver af þessum hjúkkum sem ég þekki og vinna hér eða hafa unnið hér sem voru búnar að segja mér frá þessu en í allri brjóstabarnaþokunni hurfu þessar upplýsingar og ég sit eftir með sárt ennið. Vonandi er bara verið að setja væntingarmarkmið svo fólk verði ekki brjálað ef það fær ekki löggildingu innan við þrjá mánuði og að þetta verði tilbúið í viku 11 :) Ég er svo bjartsýn á að stundum geti hlutirnir hérna bara gertst 1, 2 og 10.... Hringdi samt í skrifstofuna sem ég sótti um vinnu hjá og þær voru þvílíkt leiðar yfir þessu og langaði svo að fá mig í vinnu strax... sem er auðvitað gott fyrir sjálfsálitið svona þegar maður gerir ekki mikið annað en að hugsa um rassinn á sér og heimilið og börnin ;)

Annars er nóg framundan. Fáum lyklana að nýju íbúðinni á morgun og getum byrjað að flytja í rólegheitunum. Mjög skemmtilegur leigusamningurinn þar... sendi útdrátt úr honum seinna.

Allir hressir og sprækir að öðru leyti.

Og loksins verið að hirða ruslið eftir verkfallið.

Hreyfimyndir af krökkunum

2007-02-26T00:37:00.000+01:00

Erum búin að setja inn video af krökkunum á vefinn. Smellið á myndina hægra megin á síðunni til að skoða video-in. Það eru einhver video frá 2006 og svo nokkur frá 2007. Ætlum að bæta við video-um reglulega.

Fréttaskot

2007-02-12T10:21:00.000+01:00

Er þetta ekki orðið soldið gamalt - að hafa "gleðileg jól" efsta bloggið.

Heilmikið að gerast annars. Búið að gefa út trailer fyrir "Daisy Diamond" myndina hans Hjálmars og það er hægt að fara inná myndasíðuna okkar og finna hann þar í febrúar settinu og líka "freeze frame" af senunni þar sem sést framan í drenginn :) Þetta lítur út fyrir að ætla að verða spennandi mynd þó þetta myndbrot gefi afskaplega lítið upp ;)

Erum líka búin að setja inn nýjar myndir.

Fundum nýja íbúð á föstudaginn og það er þvílíkur léttir þar sem við þurfum að fara úr þessari 1. apríl. Var farin að herða mig uppí það að búa með börnin í bílnum. Fáum hina íbúðina 1. mars svo það er nógur tími til að flytja. Þurfum ekki að skipta um hverfi sem er plús en missum garðinn og leiksvæðið hérna fyrir utan... fáum í staðinn tvær stórar svalir svo þetta jafnast út. Gestaaðstaðan verður ekki eins góð og hún hefur verið en það er allt hægt ef viljinn er fyrir hendi.

Hjálmar fær sérherbergi loksins. Ágæt tímasetning þar sem ljúflingsdrengurinn er allt í einu kominn með eigin vilja og skellir sér niður á gólfið organdi ef við leyfum honum ekki eitthvað. Tímarnir breytast og börnin með.

Nína Berglind alltaf hress, með sinn eigin vilja líka auðvitað. Svakalega ánægð í leikskólanum og þau ánægð með hana og danskan hennar orðin mjög góð. Svo á hún að byrja í skóla í haust og er farin að hlakka mikið til. Talar ekki um annað og hvað lífið breytist mikið þegar hún verður sex ára: Þá getur hún farið í fimleika (ekki fyrr), hún ætlar að vakna snemma og klæða sig alveg sjálf, vera fljót að borða morgunmatinn, fara ein í dansskólann sinn í strætó og svona gæti ég haldið áfram. Ég vona bara að hún standi við eitthvað af þessu, þó ekki þetta með að fara ein í strætó ;/

Ég er búin að sækja um vinnu. Á skrifstofu sem sendir hjúkrunarfræðinga í afleysingar á nokkra spítala hér í nágrenninu. Nú bíð ég spennt eftir fyrsta símtalinu... og soldið kvíðin. Með þessu móti get ég stjórnað vinnutímanum og auðvitað bað ég bara um dagvaktir og enga helgarvinnu - komin með nóg af því. Hef unnið vaktavinnu frá því ég hætti í unglingavinnunni og kominn tími á breytingar.

Svo bíðum við spennt eftir vorinu. Ótrúlegt hvað maður hefur lítið þol. Veturinn kom um helgina og nú nennum við ekki meir!

GLEÐILEG JÓL....

2006-12-25T16:52:00.000+01:00

...Öllsömul og takk kærlega fyrir jólakortin og gjafirnar. Við erum búin að hafa það rosalega gott. Héldum smákökuafmæli fyrir Hjálmar í dag og það var afskaplega notalegt. Litli prinsinn alsæll með allar gjafirnar sínar og athyglina sem hann hefur fengið :)

Nína Berglind ekki síður ánægð með gjafirnar hans Hjálmars en sínar ;)

Við erum búin að setja inn jólamyndirnar fyrir ykkur öll heima og heiman.

Hafið það gott sem eftir lifir hátíðarinnar

Október, nóvember og desember

2006-12-05T09:22:00.000+01:00

Mikið búið að ganga á síðastliðinn mánuð. Fór með börnin til Íslands í sextugsafmælið hennar mömmu og það var mikið stuð. Svo kom Dísa vinkona með sitt stóð og það var mikið stuð. Dallasmenn og konur komu tuttugu og eitthvað talsins til að djamma heila helgi og það var mikið stuð.
Gaman að upplifa danskan julefrokost - svolítið frjálslegri en þessi íslensku jólahlaðborð og alls ekki verri. Það var setið og borðað og drukkið og leikið og sungið milli borða í marga klukkutíma í pínkulitlu kjallaraherbergi með einn opnanlegan glugga og viftu sem var ekki mjög kirfilega fest í loftið.

Veðrið hefur "leikið" við okkur. Það er rigning og stundum soldið kalt en ekkert vetrarveður að kalla. Mér finnst þetta bara nokkuð frískandi.

Þurfum að fara að finna okkur annað húsnæði.... aaarrrggh. Nenni ekki að flytja aftur en svona er þetta, við vissum allan tímann að þetta væri möguleiki og nú er bara að pæla ekkert í þessu fyrr en eftir áramót.

Hér ætlum við að vera þessi jól og fáum gesti yfir áramótin. Það verður gaman að upplifa dönsk jól. Það er líka mikið að gera framundan. Jólaskemmtanir á tveimur leikskólum, danssýning hjá Nínu Berglindi, mamma kemur í heimsókn, jólaglögg hér og þar, piparkökubakstur og þetta venjulega jólastúss.

Hafið það öll gott í jólaamstrinu en ekki gleyma tilgangi jólanna.

Haust í Kaupmannahöfn

2006-10-13T10:48:00.000+02:00

Haustið er komið og laufin og kastaníurnar falla af trjánnum og við sitjum og búum til allskonar fígúrur úr þessu öllu saman. Veðrið alveg æðislegt - þetta er ekta veður fyrir mig, soldið kalt loftið en sól og bara nammi...

Hnakknum var stolið af hjólinu mínu um daginn! Eitthvað sem ég skil ekki, vorum í Parken á Trafiklegepladsen sem er mjög skemmtilegur garður fyrir krakka. Litlar götur og umferðarskilti og -ljós þar sem krakkarnir geta hjólað og lært umferðarreglurnar í nokkuð öruggu umhverfi. Náttúrulega "brjálaðir" krakkar inn á milli. Þegar við erum svo að taka okkur til til að fara heim komumst við að þessu. Ég er fegin að ég skil ekki svona hegðun en verði þjófnum að góðu því ég er alltaf rassblaut útaf einhverjum "svakaflottum" saumum á hnakknum :) Ein vinkona mín sagði mér að ég þyrfti bara að njóta þess að hjóla hnakklaus :D Verst að stöngin sem hnakkurinn situr á var tekin líka.....

Hjálmar hefur hlotið viðurnefnið "Sjarmetrold" á leikskólanum. Hann lýsist allur upp í framan og reynir að henda sér úr kerrunni um leið og við komum inná leikskólasvæðið. Vill ekkert vera í fanginu á mömmu bara beint að leika.

Nína Berglind er núna alltaf með munnræpu á dönsku og ef hún kann ekki eitthvað orð þá er það bara sagt á íslensku með dönskum hreim. Krakkarnir kippa sér ekkert upp við það. Leikskólakennararnir eru mjög ánægðir með hana. Hún fær málkennslu 1x í viku og sá kennari hefur engar áhyggjur af henni sem er gott því hún er að fara að byrja í skóla eftir tæpt ár - þarf meira að segja að fara að skrá hana núna í nóvember ... mikið líður tíminn hratt.

Og núna þarf ég að fara að skella mér að sækja um vinnu - verkefni næstu viku...

Síðasti í afmæli...

2006-09-29T15:09:00.000+02:00

...liðinn og fæturnir á prinsessunni hægt og rólega að nálgast jörðina. Rosa fínt á Íslandi, afslappað og engin læti. Tvö afmæli þar og svo komum við heim í þetta svakalega góða veður og tvö afmæli hér. Síðasta var á mánudaginn þar sem allir krakkarnir á leikskólanum, 18 stykki, kíktu við í grill í hádeginu. Rosalega gaman, gott veður svo það var hægt að skiptast á að vera úti og inni en á tímabili voru ansi margir í herberginu hennar Nínu og ótrúlegt að ég var í minna en 10 mínútur að taka til á eftir :) Algerir englar.

Nú er Nína Berglind svo svakalega ánægð á leikskólanum, farin að tala dönsku og hjóla án hjálpardekkja og heimsækja vinkonur sínar og ég veit ekki hvað og hvað.

Hjálmar er að fara að byrja á vuggestue á mánudaginn... jeminneini! Fróðlegt að sjá hvernig það gengur. Annars er hann farinn að verða ansi kræfur skríður eins og slanga og þýtur áfram, maður þarf að hafa sig allan við að ná honum þegar hann ákveður að fara fram á gang til dæmis. Verð að fara að drífa mig í Ikea og kaupa öryggishlið - algjört möst.

Svo verður farið aftur til Íslands í endaðan október þar sem mín kæra móðir er að verða sextug.

Sjáumst þá :)

Sirkus pirkus

2006-09-05T10:15:00.000+02:00

Fór með Nínu Berglindi í Sirkus Dannebrog á sunnudaginn - lofaði henni sirkus fyrir svona 3 mánuðum og allt í einu var hann fyrir framan okkur og engin leið að sleppa. Mér hefur alltaf þótt gaman að fara í góða sirkusa sem eru ekki margir en þessi var bara fínn... flottir loftfimleikar og skemmtilegur trúður og flott hundaatriði en ég sá soldið eftir að hafa borgað mig þarna inn þegar ég var að horfa á fílinn dansa - ég meina hvað er málið?!

En Nína Berglind var í skýjunum og fannst allt æðislegt. Sat meira að segja á sér í þessa 2 og 1/2 tíma sem þetta tók sem er mjög óvanalegt fyrir litlu Energizer kanínuna okkar :)

Hlökkum svo bara til að sjá alla á Íslandi í næstu viku. Nína Berglind hefur nefnilega miklar áhyggjur af því að hún sé að verða dönsk af því hún er farin að tala meiri dönsku :)

Hjálmar dáðadrengur

2006-08-25T14:37:00.000+02:00

Það er nú ekkert lítið að gerast hjá honum Hjálmari núna. Fékk tvær tönnslur og byrjaði að klappa þegar við vorum á Íslandi. Er svo núna farinn að sýna hvað hann er stór og skríður um allt eins og elding... á maganum! Nýjasta nýtt er svo að hann var að standa upp við sófaborðið bara rétt í þessu.

Það má ekki líta af honum ef maður vill ekki missa af neinu :)

Stiklað á stóru

2006-08-07T22:47:00.000+02:00

Þá erum við loksins lent í Köben. Fríið búið að vera alveg stórkostlegt. Marielyst á Falster hér í Danmörku, geðveikt veður, frábær matur í góðra vina hópi. Stutt stopp í Luxembourg. Montelimar í Frakklandi, fínasta hús með æðislegri og nauðsynlegri sundlaug í steikjandi hitanum. Þar áfram lítið gert annað en að borða og spila Sequence á meðan krakkarnir léku sér eins og englar ;) Svo aftur stutt stopp í Luxembourg hjá Silju og Árna í áframhaldandi afslappelsi. Utrecht í Hollandi að heimsækja Valtý og Eddu og svo heim í nokkra daga að ná áttum áður en haldið var til Íslands í brjálæðið!

Selma systir giftist honum Paul sínum á Íslandi og það var alveg frábær dagur í alla staði. Skemmtileg athöfn, gott veður, góður matur, skemmtilegar ræður og frábærir taktar á dansgólfinu hjá öllum og sérstaklega móðursystrum mínum :) Ég lifi lengi á þessu.
Selma var svo auðvitað alveg gullfalleg brúður og bráðum koma myndir af því hér á síðuna svo allir geti dáðst að henni :D
Að lokum áttum við svo að fara í brúðkaup vestur í Bolungarvík en Sigtryggur þurfti að fara einn þar sem Hjálmar fékk svo háan hita í langan tíma að ég treysti mér ekki til að fara frá honum hvað þá leggja það á einhvern annan að passa svona lítið veikt barn og foreldrarnir þetta langt í burtu - en svona er lífið. Hjálmar er allavega orðinn stálsleginn núna okkur til mikillar ánægju og gleði því hann er náttúrulega bara algert nammi.

Núna erum við svo bara nýlent í Danmörku og strax búin að fækka fötum og opna alla glugga til að reyna að vinna á móti þessum hita.

Spurning hvort við þurfum að fara að hlaupa hér i kringum söen útaf öllu þessu áti...

Eftir þetta frábæra frí þurfum við að fara að vinna í því að Nína Berglind átti sig á því að þetta er ekki alltaf svona á Íslandi. Það eru ekki alltaf allir í fríi og tilbúnir að fara útum allar trissur með hana og leika við hana endalaust og svo framvegis. Sjáum til hvernig verður í leikskólanum á morgun. Hún hefur auðvitað frá mörgu að segja þó það tróni auðvitað á toppnum að hún er ".. tannlaus greyið" eins og hún orðar það sjálf. Stóra stúlkan okkar missti fyrstu tönnina sína 3. ágúst og er orðin fullorðin :) Við sátum og vorum að spila finna pör og hún fer að tala um að amma Nína sé alltaf að svindla í þessu spili sem er ekki alveg satt því hún er alltaf að svindla og ég segi það við hana og þá stendur hún upp, setur hendur á mjaðmir og segir "Nehei, ekki eftir að ég missti tönn!!"

Fyrstu myndirnar komnar

2006-07-21T23:13:00.000+02:00

Komnar inn myndir frá Lomma í Svíþjóð, Maríelyst í Danmörku og nokkrar frá Roskildeupplifun Sigtryggs :)

Sól og sumar....

2006-07-17T23:45:00.000+02:00

...í allt sumar! Það vonum við allavega. Erum búin að þeysast um Evrópu endilanga og allstaðar gott veður - ég veit að það er ekki gaman fyrir Íslendinga að heyra það þessa dagana þess vegna stefnum við á að taka góða veðrið með okkur þegar við förum til Íslands eftir tæpar tvær vikur... hljómar það ekki vel?

Erum semsagt búin að vera í sumarhúsi í Danmörku, sumarhúsi í Frakklandi og erum núna stödd í Lúxemborg áður en við höldum heim á leið með smá stoppi í Hollandi. Brjálað stuð. Börnin alveg eins og englar enda ekki leiðinlegt að vera alltaf með fullt af fólki og börnum að leika sér í sundlaugum eða skemmtigörðum og Hjálmari finnst ekki leiðinlegt að láta frænkur sínar halda á sér.

Það verður líka gott að koma heim til sín það þekkja allir.

Setjum fljótlega inn myndir af European Vacation stórfjölskyldunnar.

"Jelma" som "Daisy"

2006-06-15T21:35:00.000+02:00

Þá er Hjálmar (a.k.a. Jelma) búinn að skila sínu í bíómyndinni og nú er það á valdi klipparans að láta hann líta sem best út...
En þetta er búið að vera fínt. Erfitt að vera í næturtökunum en Hjálmar tók þeim með stóískri ró og heillaði alla uppúr skónnum. Hann var nú ekkert í nærmyndum því hann var eina barnið sem var grannt og ekki með margar undirhökur svo hann skar sig soldið úr hópnum :) En ég get komið með frekari upplýsingar þegar myndin "Daisy Diamond" eins og hún heitir verður frumsýnd næsta vor fyrir þá sem vilja.

Það sem var gott við þetta allt saman fyrir utan að það er spennandi að fylgjast með einhverju nýju og sem maður veit í rauninni ekkert um var að komast í smástund í danskan félagsskap. Fyrsta skiptið sem reynir eitthvað af viti á dönskukunnáttuna og það var gott. Fyrst var ég bara eins og auli og sagði ekki neitt, brosti bara þegar ég hélt að ég hefði skilið eitthvað en svo fór ég að skilja allt í einu og var farin að spjalla áður en ég vissi af. Gott að vita til þess að þegar á reynir verður þetta fljótt að koma. Hef einmitt verið að spá í hvernig þetta verður þegar ég fer að vinna eitthvað and now I know...

Svo lærði ég líka að "Action" er "og værsogo´" á dönsku :)

Nína hetja og Hjálmar sjarmör

2006-06-12T20:40:00.000+02:00

Nína Berglind stóð sig eins og hetja í koloni eða kolo'ní eins og hún segir það með nýja fína danska hreimnum sínum :) Hún var tilneydd að tala dönsku og kennararnir sögðu að hún hefði staðið sig eins og hetja. Sjálf segir hún að þetta hafi verið rosalega gaman og þá er það útrætt. Erum að reyna að draga uppúr henni hvað hafi verið gert en lítið orðið ágengt. Sem betur fer kom hún til baka með bók sem búið var að skrifa í stutta dagbók... alveg frábært. Núna bíðum við bara eftir myndum og áframsendum þær þá og þegar.

Hjálmar er farinn að borða eins og herforingi tvær máltíðir á dag þrátt fyrir tannleysi. Honum finnst allt sem við bjóðum honum gott og heldur alltaf að við séum að gefa honum eitthvað að borða þegar hendurnar okkar koma nálægt andlitinu á honum. Kannski hann fari þá að bæta eitthvað á sig. Svo brosir hann útí eitt og heillar alla í kringum sig. Getur orðið soldið vandræðalegt á stundum og roðna ég þá bara og blána og veit ekkert hvað ég á af mér að gera... sumar konur geta verið ansi hömlulausar þegar þær sjá sæta stráka :þ

Svo erum við að fara í næturtöku núna á eftir í bíómyndinni hans Hjálmars og svo held ég að ég segi bara pass... allar hugmyndir um glamúrinn við kvikmyndagerð foknar út í veður og vind. Ekki að það sé vindur hér - við varla náum andanum í þessum hita.
Vonandi fer sumarið að ná einhverjum þunga þarna heima á Fróni - hugsa allavega sterkt til ykkar.

Heimasíminn er kominn í lag

2006-05-26T10:23:00.000+02:00

Loksins er heimasíminn hjá okkur kominn í lag svo ekki hika við að hringja í okkur :)

Ég og Nína, ein í kotinu

2006-05-16T23:57:00.000+02:00

Núna eru Regína og Hjálmar búin að vera í London í nokkra daga. Regína er þar að aðstoða systur sína fyrir brúðkaupið hennar sem verður í sumar. Ég og Nína höfum haft það fínt hér í Köben á meðan þó við söknum þeirra mjög mikið og hlökkum til að fá þau aftur heim. Nína vill alltaf fá að tala við Hjálmar í síma og hann segir ekki mikið á móti en brosir bara við það að heyra í systur sinni. Hef heyrt að hann sé að heilla allar dömurnar í brúðarkjólabúðunum enda mikill sjarmör.
Hún Nína mín er nokkuð dugleg í að reyna að plata pabba sinn í að gera ýmsa hluti fyrir sig á meðan mamma sín er í burtu. Stundum getur maður ekki staðist það þegar hún brosir fallega til manns og biður mann um eitthvað með því að segja elsku, elsku, elsku pabbi viltu ...
Hún fór til Höllu Margrétar vinkonu sinnar í dag því ég þurfti að vinna lengur. Þær eru orðnar mjög góðar vinkonur og það er virkileg gott að Nína er búin að finna svona góðan vin. Þær eru einnig svolitlir prakkarar og maður verður að vera vel vakandi í sumar við að fylgjast með þeim.

Þá er meistaradeildin á morgun þar sem Barcelona og Arsenal mætast. Ég vona að Barcelona vinni og síðan mun Thierry Henry skipta á treyju við Eto eftir leikinn og ekkert fara úr henni. Mætir bara í henni til leiks á næsta tímabili með Barcelona. Það væri ekki leiðinlegt að sjá hann spila með snillingunum í Barca.
Svo er að styttast í HM. Það verður bara snilld. Verð að finna leið til að horfa á leikinn út í garði þegar það er gott veður.

Heimasími

2006-05-11T10:08:00.000+02:00

Heimasíminn hjá okkur hefur verið í einhverju rugli síðan við fengum hann. Þetta lið hjá Cybercity er ekki að standa sig. Þið takið ekki eftir því að eitthvað er að svo ef við svörum ekki þá þýðir það ekki endilega að við erum ekki heima. Þið getið svo alltaf náð í okkur í gsm símana.
Læt vita þegar síminn er kominn í lag.

Nóg að gerast

2006-05-08T17:34:00.000+02:00

Elsku kallinn niðri er búinn að þétta hjá sér hurðina og kaupa sér viftu til að blása reyknum frá hurðinni og ræða við vin sinn verkfræðinginn sem er sérfræðingur í loftræstingu :) Hann er allur af vilja gerður en vantar kannski verkfærnina. Þetta er orðið eilítið betra og leitar ekki eins mikið í herbergið hennar Nínu Berglindar en er samt svona viðloðandi. Við þurfum nú bara að fara að hugsa málið hvort við eigum að þrýsta á leigusalann að setja hurð á milli eða hvort við eigum að finna okkur annað húsnæði. Leigusalinn er nefnilega líka allur af vilja gerður svo þetta á allt saman eftir að fara vel - komin yfir fyrsta áfallið og núna er bara að vinna í þessu máli.

Sumarið er komið hingað eins og til Íslands. Alger steik hérna fyrir utan hjá okkur og eiginlega óbærilegt þar sem við erum á solsiden og í miðjunni á götunni. Húsin hinum megin fá nefnilega eiginlega enga sól þar sem það er svo stutt á milli húsanna og forgarðurinn er í norður - veit ekki hvort við erum heppin eður ei. En æðislegt að geta labbað niður að søerne og fengið smá andvara og leyft Nínu að hjóla eða hlaupa eða línuskautast þar. Svo er fólk alltaf að grilla hérna fyrir utan og krakkarnir að leika sér og bara svakalega kósý. Nína er ekkert mikið að vilja leika því hún talar ekki mikið dönskuna enn en það er allt að koma - þau segja á leikskólanum að hún sé byrjuð að tala einhverja dönsku og það er á undan okkar áætlun :þ

Sófinn kom svo á fimmtudaginn - oh hvað hann er geðveikur, djúpur og breiður eins og áin og æðislegt að geta slakað á í honum. Fyrir þá sem ekki vita var ekki hægt að slaka á í gamla sófanum okkar - meira svona tepartý sófi, sitja á bríkinni og krossleggja fætur týpan. Hann er núna í fjórum pörtum niðrí geymslu.
En það skapaði auðvitað annað vandamál - nú þurfum við örugglega innanhúshönnuð til að raða uppá nýtt í stofunni. Erum búin að prufa allskonar útfærslur og erum vonandi að finna lausn á þessu.

Svo bara nóg að gerast framundan Þorvaldur bróðir á leiðinni, ég á leiðinni til London, Stymmi bróðir og fjölskylda á leiðinni, Stefnir bróðir og fjölskylda á leiðinni til Svíþjóðar og við skellum okkur í smá heimsókn þangað og svo bara sumarfrí útum alla Evrópu :)

Fyrir svo utan það er Hjálmar kannski að fara að "leika" í kvikmynd... meira um það síðar.

p.s. nýjar myndir komnar í maí albúmið - takið eftir hvað Hjálmari finnst þumallinn góður :)

Neighbours

2006-04-30T21:11:00.000+02:00

Þá er fluttur inn maður á neðri hæðina sem er í sjálfu sér allt í lagi þó það hafi verið kósý að vera svona ein í þessu húsi. Hann flutti inn í gær og nú þegar er allt angandi af sígarettureyk - kannski ekki við öðru að búast af Dana. Er búin að ræða við hann og hann segist ekki þola lyktina af sígarettum og reyki því alltaf útum gluggann.... hvernig getur hann sagt þetta þegar hann angar af reyk sjálfur ég næ því ekki.
Þetta byrjar ekki vel en ég er búin að hafa samband við leigusalann og bíð eftir hvað kemur útúr því... kannski væri hægt að setja upp hurð á milli íbúðanna - það myndi leysa ýmislegt :þ

Jæja fall er fararheill.

Nína Berglind er farin að babla á dönsku og er hressari á leikskólanum þó hún sé ekki búin að eignast góða/r vinkonu/r enn en það kemur. Kannski gerist það þegar hún fer í koloni = þriggja nátta/fjögurra daga sveitaferð með leikskólanum. Við erum ekki alveg að sjá hvernig við eigum að höndla það en erum búin að leigja þyrlu til að vera standby ef þetta verður of erfitt :/

Hjálmar er alltaf sami sjarmörinn og heillar alla uppúr skónnum sem líta í áttina til hans. Hann mætti alveg hætta að heilla mömmu sína klukkan sex á morgnana samt....

Fórum í mat til Guðnýjar frænku í Slagelse áðan sem er um klukkutíma bíltúr héðan. Hef ekki komið þangað síðan ég var sirka 9 ára og það var mjög gaman rifjaði upp gamlar minningar meðal annars eitt atvik varðandi Freddie Mercury sem bara Selma systir skilur LOL

Gaman að hitta fjölskyldumeðlimi sem maður hefur ekki hitt í mörg ár og börnin þeirra sem maður hefur aldrei hitt. Nínu Berglindi leist mjög vel á Julie frænku sína sem er 6 ára og léku þær sér vel saman. Endurtökum þetta vonandi fljótlega aftur.

Roskilde Festival

2006-04-29T09:47:00.000+02:00

Nú er það komið á hreint að það verður farið á Roskilde festival í sumar. Nóg af hljómsveitum til að kíkja á. Þetta verður mín fyrsta ferð á Roskilde og kominn tími til. Það eru tveir tónlistarmenn sem ég verð að sjá, Bob Dylan og Morrissey. Búinn að bíða lengi eftir að sjá Morrissey á tónleikum, aldrei að vita að Atli muni kíkja með þegar hann fréttir að Morrissey mun spila.
Var að frétta að Morrissey væri hugsanlega á leiðinni til Íslands og ætlar að halda tónleika í sumar. Ef einhver veit meira um það mál þá má hann láta mig vita.
Keypti einnig miða fyrir okkur og Guðjón á Antony & the Johnsson en hann verður með tónleika í Köben í september. Fórum á tónleika með honum í Fríkirkjunni um jólin í fyrra. Þeir tónleikar voru frábærir og það verður gaman að sjá hann aftur. Takk fyrir ábendinguna Hjalti.
Erum búin að fara eina ferð í Tívolí. Það er alltaf gaman að fara í Tívolíið hér í Köben, það er einhver ákveðinn sjarmi yfir Tívolíinu. Nínu Berglindi finnst rosalega gaman að fara í tækin þar. Fór aftur og aftur í tækin svo við verðum að fara þangað aftur fljótlega. Nýtt tæki verður opnað 1.maí sem verður gaman að prófa. Hér eru upplýsingar um Himmelskibet.
Eigum það til að bæta við myndum á myndasíðuna án þess að blogga eitthvað svo þið verðið bara að skoða hana reglulega.

Ok ok ok...

2006-03-28T21:37:00.000+02:00

... þá er komið að því. Fyrsta bloggið frá Kóngsins Köben. Það er ýmsu að venjast hér og sem frekjuÍslendingar er það ekki gott. Til dæmis þá erum við að bíða eftir nettengingu og það tekur þrjár vikur at least. Núna tveimur vikum eftir að við pöntuðum netið og heimasímann kemur bréf sem tilkynnir okkur hvaða heimasímanúmeri okkur var úthlutað og að það muni koma annað bréf með internet upplýsingunum og svo stóð að einhver myndi koma fljótlega að tengja þetta allt saman. Ég er viss um að það er bara on off takki hérna einhversstaðar!
Annað dæmi er að við sóttum um bankareikning og fengum reikningsnúmer og okkur sagt að Dankortið okkar kæmi í pósti og svo pin-númerið stuttu seinna ásamt leyniorði í netbankann. Tveir þriðju stóðust og fór ég í bankann í dag þrem vikum síðar til að ýta á eftir þessu með netbankann.....

En sem betur fer erum við með einhvern nágranna sem læsir ekki þráðlausu tengingunni sinni svo við stelum af honum á meðan - nema hann sé að stela af okkur tilbaka.... sumir hafa ekkert annað að gera.

Yndislegi drengurinn okkar fékk nafnið Hjálmar dúlla. Við eigum eftir að skíra en búin að nefna svo þetta er fast við hann enda ber hann það vel. Hann fór í fyrstu sprautuna sína í dag og brosti bara til mín á meðan....er hægt að biðja um meira krútt?

Nína Berglind er byrjuð í leikskólanum og gekk það vel til að byrja með en svo kom bakslag og held ég að það sé tungumálaörðugleikum um að kenna. Þeir sem eiga eða þekkja til fjögurra ára telpna vita að allt snýst um hlutverkaleiki og þar skiptir tungumálið miklu. En þetta er að skána og ætli hún verði ekki farin að kenna pabba sínum dönsku fyrr en varir. Ég stend mig hinsvegar eins og hetja og á áhuga móður minnar á danskri tungu mikið að þakka - eins og þetta fór í taugarnar á mér þegar ég var krakki og unglingur og ung kona....

Svo er vorið bara að koma eins og kallað og krakkarnir í götunni okkar eru farin að æfa sig að hjóla án hjálpardekkja - Nína Berglind er ekki alveg tilbúin í það enn en ég sagði henni að við myndum gera það í sumar og þá var það ákveðið.

Nú hlökkum við bara til að fá fyrstu gestina um páskana og þá verður mikið stuð...

p.s. komnar nýjar myndir - smella á myndaklasann hérna til hliðar ;-) (svona fyrir tengdamömmu)

Annað barn og annað húsnæði

2006-01-20T12:41:00.000+01:00

Þá erum við búin að breyta bloggútlitinu í takt við nýja strauma.

Litli J.Óli okkar fæddist 25. desember og er því sannkallaður jólastrákur. Hann fæddist heima og allt gekk eins og í sögu eins og við var að búast... var soldið að flýta sér en mér fannst það ekkert leiðinlegt. Engillinn okkar var 15 merkur og 53 cm og dafnar vel.
Það eina sem vantar er nafn áður en viðurnefnin fara að festast við hann. Ef einhver er með góða hugmynd endilega senda á okkur :-)

Við erum komin með íbúð í Kaupmannahöfn á frábærum stað. Vona að íbúðin sé eins frábær en við sendum Dag vin okkar að skoða hana svo hann fær að heyra það þegar við komum út... (eða ekki) Hef enga trú á öðru en að þetta sé fínt. Er farin að innrétta í huganum. Það er soldið erfitt þar sem það er svo langt síðan við bjuggum með okkar húsmunum að ég veit ekkert hvað við eigum lengur.
Íbúðin er í Kartoffelrækkerne eða "Kartöflugörðunum heima" eins og við kjósum að kalla það. Ferlega sæt hús sem voru byggð seint á 19. öld og mynda nokkrar götur í miðbænum. Mjög góð stemmning víst og mikið gert saman eins og sést á heimasíðunni www.kartoffelraekkerne.dk ef einhver skyldi hafa áhuga og ekkert betra að gera.

Það er víst pláss fyrir gesti svo ekki vera feimin...

Að lokum erum við búin að taka út allar gömlu myndirnar og ætlum að flokka þær betur en það eru komnar inn nýjar og fleiri bætast við á næstunni.

Móðursýki "ófrískra" kvenna

2005-11-24T16:05:00.000+01:00

Er ekki tími til kominn að blogga? Held bara það sé komið meira en hálft ár síðan síðast og ég hef ekkert annað að gera þessa dagana hvort eð er. Ligg bara og bíð eftir að tíminn líði svo Úddi litli komi ekki of snemma í heiminn. Skrítið að maður skuli missa svona allan áhuga á sjónvarpi uppúr þurru. Sigtryggur kemur með nýja þætti og nýjar myndir í hverri viku sem ég get horft á þegar mig lystir - en nei enginn áhugi. Er samt dugleg að lesa og ætla að fara að prjóna eitthvað sniðugt á barnið :)
Vorum einmitt hjá Áslaugu ljósmóður í dag og hún var að hlæja að því að þetta hafi verið svo mikið andlegt þegar Sigtryggur fór til Kanada um daginn og ég fékk þessa samdrætti og var með allan tímann meðan hann var úti og lagaðist nánast um leið og ég vissi að hann var um borð í vél númer eitt á leið heim frá Kamloops!! Er maður svona hrikalega eigingjarn undir niðri, ég meina hvað er málið? Það eru þekktar sögur um konur sem fara svona af stað bara af því maðurinn þeirra fer til útlanda. Viljum við ekki hafa þá viðstadda, viljum við að þeir séu á nálum allan tímann meðan þeir eru úti og geti engan veginn notið sín eða verðum við bara svona skelfingu lostnar að vera einar og yfirgefnar og líkaminn tekur öll völd til að fá manninn heim hið snarasta. Það þarf eitthvað að fara að rannsaka þetta held ég.

En allavega þá eru fimm dagar í leyfilega heimafæðingu og þá verður öndinni varpað léttar. Ætla nú samt ekki að fara að æða af stað til að koma fæðingu í gang því ég vil hafa litla drenginn okkar í sem bestri aðstöðu til að takast á við heiminn...sérstaklega af því það er vetur og allskonar veikindi sem stóra systir getur dregið með sér heim af leikskólanum.

Talandi um stóru systur. Hún er að taka þessu hlutverki ansi alvarlega og er strax búin að mynda sérstaklega sterkt sambandi við litla bróður sinn... ég vona bara að þetta sé ekki stelpa því þá fær hún væntanlega taugaáfall greyið!

Best að yfirblogga sig ekki svona í fyrsta skiptið í langan tíma....

Aumingja Heiða

2005-05-05T23:39:00.000+02:00

Ég drap hana í fyrradag og er enn miður mín. Var að reyna að ná henni í box og hún faldi sig undir örbylguofninum og vildi ekki koma undan svo ég færði hann til og á endanum kramdist hún undir þar sem kom svona bunga undan ofninum og kipptist öll til og ég stóð bara í eldhúsinu og öskraði..... best að jarða hana við hátíðlega athöfn svo ég komist einhvern tímann yfir þetta.
Kosturinn er hins vegar sá að núna er ekki músaskítur um allt eldhús þegar við komum niður til að fá okkur morgunmat.... best að líta á björtu hliðarnar!

Á öðrum nótum þá eru bara tíu dagar þangað til við förum til New York og tvær vikur þangað til við komum til Íslands. Gengur hægt að pakka og ég hlakka ekkert sérlega til að burðast með allt draslið í fjórar flugvélar... .tala nú ekki um að þurfa að skilja eitthvað af því eftir á JFK í fjóra daga. Hlakka hins vegar til að sjá svipinn á tollurunum þegar við reynum að koma þessu í gegn í Keflavík... verði þeim að góðu ef þeir nenna að leita í herlegheitunum.

Það verður leiðinlegt að fara úr góða veðrinu hérna og líka að kveðja allt liðið. Mike og September ætla að halda þetta svakalega partí 14. maí og við ætlum að hafa það bara kveðjupartíið okkar í leiðinni. Kannski við setjum Nínu Berglindi í næturpössun hjá Gloriu uppáhaldinu hennar... aldrei að vita.

Og nú að byrja að snúa tímanum hægt og rólega við...

Íslenskar lauslætisdrósir

2005-04-26T16:50:00.000+02:00

Asnaðist til að horfa á þáttinn hennar Opruh í gær um konur um allan heim. Sá þar þetta fína myndband frá Íslandi og viðtal við nokkrar konur þar og allt í lagi. Svo kemur hún Svanhildur Hólm í þáttinn og talar bara um hvað það sé eðlilegt og algengt að konur sofi hjá á fyrsta stefnumóti og vilji svo jafnframt ekki endilega áframhaldandi samband og hvað þær horfðu mikið á ameríska sjónvarpsþætti!!!! Ég átti ekki til eitt aukatekið orð og varð bara hálfskömmustuleg heima í sófa. Nú þarf ég að fara að hitta fólk og svara fyrir þetta..... Varð ekki allt vitlaust þegar Flugleiðir auglýstu einhvern tímann flugfreyjur á djamminu og að það væri auðvelt að ná sér í einnar nætur gaman í Reykjavík?! Hvar eru feministarnir núna?
Er ekki eitthvað annað merkilegt við íslenskar konur? Ekki það að þetta sé merkilegt eða algengt - allavega ekki í þeim hópi sem ég tilheyri.
Er ekki merkilegra að við áttum fyrsta kvenforsetann, er ekki merkilegra að flestar konur vinna úti ásamt því að eiga fjölskyldu, er ekki merkilegra að íslensk kona hefur unnið verðlaun á Ólympíuleikum, er ekki merkilegra hvað stór hluti kvenna á Íslandi er menntaður á einn eða annan hátt, er ekki allt annað varðandi íslenskar konur merkilegra en þetta?

Það er komið sumar tralalalala...

2005-04-13T16:53:00.000+02:00

Náði henni Heiðu húsamús í kassa um daginn og setti hana út, það var nú ágætt að losna við hana úr eldhúsinu þessa litlu elsku. En viti menn það tók hana ekki nema sólarhring að klifra aftur upp og í þetta sinn í arininn (ég geri auðvitað ráð fyrir að þetta sé Heiða). Það er nú kannski öllu verra að hafa hana á gólfinu inní stofu en uppá eldhúsbekk svo ég tróð plastpokum í gatið og hef ekki séð hana síðan.... vona eiginlega að ég sjá hana ekki aftur.

Mikið líður tíminn annars hratt. Það er bara komið vor og í Kamloops þýðir það sól og sumar. Bærinn hefur bara lifnað við, fullt af fólki niðrí bæ og í görðunum hjá sér og ég veit ekki hvað og hvað. Það fer líka að styttast í að við leggjum í hann. Förum til New York 16. maí og ætlum að eyða þar nokkrum dögum. Það verður svo gaman því ég hef ekki komið þangað síðan ´93 og Sigtryggur aldrei. Svo verður gott að koma heim til Íslands í eins og einn dag áður en ég skelli mér til Amsterdam með saumó!! Vona að ég verði fljót að snúa sólarhringnum við....

Nína Berglind er að æfa dans fyrir stóru ballettsýninguna sem verður því miður sunnudaginn eftir að við förum en það er gaman að horfa á þessar litlu sætu dansa YMCA og ég fæ að taka þetta upp áður en hún hættir svo fólkið heima geti séð hvað þetta er krúttlegt.

Svo er búið að loka skíðasvæðinu og við setjum snjóbrettaiðkun á hold í bili þó svo að við séum byrjuð að hugsa um að fara til Þýskalands, Frakklands eða Ítalíu um næstu jól eða bara sem fyrst... erum orðin hooked!!!!

"I'm an Icelandic Cowboy on an Icelandic Pony"

2005-03-29T05:35:00.000+02:00

First thing's first - fullt af nýjum myndum og nokkur ný video :)

Búhúhú... Edda og Jón Árni eru farin til Danmerkur og við erum strax farin að sakna þeirra. Það var svo gaman að fá gesti og við létum bara eins og við værum í útlöndum líka :) Fórum heilmikið á bretti og veðurguðirnir voru svo góðir að kæla pleisið aðeins niður svo snjórinn væri skíðamönnum bjóðandi. Síðan var farið aftur á hundasleða með Steve vini okkar en í þetta sinn var ferðin lengri, á skemmtilegri stað og næstum helmingi fleiri hundar og þar af leiðandi meiri hraði. Hundarnir voru líka allir ungir og viljugir svo Steve var ekkert að halda aftur af þeim...whoa!

Sigtryggur og Jón Árni keyptu sér svona líka fína kúrekahatta í safnið og skyrtur í stíl í Vancouver. Í tilefni af því skelltum við okkur á Cactus Jack's hér í sveitinni og það kvöld var akkúrat "Mechanic Bullriding" kvöld.... við urðum öll að skella okkur á hann nema Edda og þetta var skemmtileg upplifun. Sigtryggur átti fyndnasta augnablik kvöldsins og Jón Árni það næstfyndnasta en brandarinn tapar sér í þýðingu svo ef þið viljið sjá videó af herlegheitunum þá bara nefna það :)

Skelltum okkur til Kelowna í Batting range til að æfa softball sveifluna á laugardaginn. Gekk svona upp og niður en Nína Berglind fann sig alveg. Hún stóð sig eins og hetja og henni fannst þetta svo rosalega gaman að þegar ég fór með hana útúr búrinu þá trylltist hún og henti kylfunni í jörðina og skellti sér svo sjálf niður eins og sönnum hafnaboltaleikmanni sæmir!

Aukinn orðaforði

2005-03-17T16:20:00.000+01:00

Keypti dúkkuhús fyrir Nínu Berglindi í gær (tapa mér alltaf þegar ég fer í dótabúðina :/ fer þangað bara af illri nauðsyn eins og til að kaupa afmælisgjafir bara svona til að forðast óþarfa útgjöld) og hún er svo ánægð með það. Heyrði útundan mér í gær þegar hún var að vesenast með húsið "Ég er svo ánægð, I'm so ánægð!" frekar sætt og svo faðmaði hún húsið og mömmu sína :) Svo verð ég bara að halda þessu við með því að kaupa reglulega húsgögn í húsið og viðbætur. Þau kunna að féfletta mann þessi dótafyrirtæki.....

Nýjasta orðið hennar spratt fram þegar við vorum í súperstore hérna um daginn og við löbbuðum framhjá nærbuxum í afsláttarkörfu: "Mamma this is COOL" "and this is also so COOL" (með þvílíkum hreim!) Bíðum bara spennt eftir að heyra "Whatever" fyrst hún er komin í þennan gír.

Sigtryggur er hægt og rólega að jafna sig eftir helgina og er orðinn mjög útitekinn eftir að hafa setið á ísnum í glampandi sól í þrjá daga. Ég ætlaði því að finna mér sólbaðsstofu sem spreyjar á mann brúnkukremi (til að líta ekki út eins og vofa við hliðina á honum) en það er ekki til hér í þessum bæ:/ Ekki fer ég að hætta mér í venjulega ljósabekki. Það er einmitt verið að tala um það hérna eins og heima sýndist mér að banna ljósabekki fyrir fólk undir lögaldri og að allar ljósastofur þurfa að skaffa sólarvörn. Svo þurfa þær að vera með skilti sem segir að þetta sé stórhættulegt (Eins og á sígarettupökkunum). Gæti hljómað svona "LJÓS DREPA".

Uppdeit

2005-03-10T22:36:00.000+01:00

Þar sem það er svo langt síðan við höfum skrifað eitthvað ætla ég að stikla á stóru bara.

Erum orðin mikið betri á snjóbrettunum... sérstaklega eftir að við fórum í kennslu.
Nína Berglind hefur líka farið í skíðakennslu og fer aftur fljótlega. Hún var soldið fyndin þessi elska þegar hún fór í skíðaskólann. Hún þarf alltaf að stjórna öllu og ákvað þegar hún var búin með nokkrar ferðir niður litlu brekkuna að núna væri hún bara of þreytt til að renna sér meira og settist niður meðan hin börnin héldu áfram að láta ýta sér niður brekkuna.

Því miður virðist þó snjórinn ætla að hverfa áður en við náum fullkomnun því þetta er hlýjasti vetur hér í Kamloops í meira en 30 ár - til dæmis var 20° hiti seinnipartinn í gær og verður örugglega toppað í dag.

Edda María og Jón Árni koma svo á fimmtudaginn eftir viku til Vancouver og við leggjum í hann daginn eftir til að eyða helginni í stórborginni og pikkum þau auðvitað upp í leiðinni. Við ætlum að fara með þau á snjóbretti og í hundasleðaferð og gullgrafaraleiðangur og loksins á Qua'out veitingastaðinn - sem er indíánaveitingastaður fyrir utan bæinn. Verðum að vera grand á því þar sem þetta verða einu gestirnir okkar (sem ekki tengjast vinnunni hans Sigtryggs) hér í Kamloops.

Árni Þór sem vinnur með Sigtryggi var svo góður að koma með páskaegg fyrir Nínu Berglindi sem hún bíður spennt eftir að fá að narta í... "má ég núna fá páskaeggið mitt?" segir hún og brosir blítt..... þurfum bara að streitast á móti þessu fallega brosi í tíu daga í viðbót ;)

Sigtryggur er að fara á morgun í árlega ferð sem kölluð er "Cold Hole". Snýst um að veiða fisk uppúr lítilli holu á ísilögðu vatni og drekka áfengi og skjóta svo upp eldflaugum og setja jafnvel eins og eina tvær sprengjur í til að auka áhrifin - macho ferð segi ég bara. Þeir ætla meira að segja að reyna að fara með djúpsteikingarpott útá vatnið og tempuradeig til að geta djúpsteikt fiskinn beint uppúr vatninu eins og gert er í Japan... þar sem einn vinur okkar er nú einu sinni hálfur Japani.

Á meðan ætlum við Nína Berglind uppí Sun Peaks í fleiri skíða/brettakennslustundir og jafnvel kannski til Kelowna til að sjá hvað er merkilegt þar.

Og inná milli ætlum við að njóta sumarblíðunnar hérna þar sem við búumst við því að maí verði á Íslandi eins og hann er alltaf.

Ooog það fjölgaði á heimilinu í morgun þar sem Heiða litla húsamús er komin til að vera (vona samt ekki) hún felur sig í eldavélinni og fer undir helluna ef maður grípur hana glóðvolga nartandi í kex og svo niður í ofninn ef maður er eitthvað að ybba sig... fínar þessar amerísku eldavélar... fyrir mýs!